بۇل تۋرالى مسق-نىڭ الماتى قالالىق فيليالىنىڭ ءباسپاسوز قىزمەتى مالىمدەدى.
وسى جولى الماتىلىقتار 73 باستاپقى مەديتسينالىق-سانيتارلىق كومەك ۇيىمىنا تىركەلۋگە مۇمكىندىك الماق. ونىڭ ىشىندە 40 ەمحانا مەملەكەتتىك, 33-ءى – جەكە مەنشىك كلينيكالار.
«تىركەۋ ناۋقانى كەزىندە ازاماتتار ءوزى تۇراتىن اۋماق شەڭبەرىندەگى مەملەكەتتىك قانا ەمەس, جەكە مەنشىك كلينيكالارعا دا تىركەلە الادى. ول ءۇشىن ەمحانا مەديتسينالىق ساقتاندىرۋ قورىنىڭ جەتكىزۋشىلەر تىزىمىندە بولۋى ءتيىس», دەيدى «الەۋمەتتىك مەديتسينالىق ساقتاندىرۋ قورى» كەاق الماتى قالالىق فيليالى ديرەكتورى تىلەۋحان ابىلداەۆ.
ەستەرىڭىزگە سالا كەتسەك, بيىلعى ناۋقان بارىسىندا ەمحانا اۋىستىرعان ازاماتتار ءوزى تاڭداعان ەمدەۋ مەكەمەسىنىڭ قىزمەتىن 2022 جىلدان باستاپ پايدالانا الادى. جالپى, ەمحانا اۋىستىرۋ مىندەتتى ەمەس. بۇرىنعى ەمحانا قىزمەتىنە كوڭىلى تولاتىن ازاماتتار ءارى قاراي دا بۇرىنعى كلينيكانىڭ قىزمەتىن پايدالانا بەرسە بولادى.
ەمحانا ءوزى قىزمەت كورسەتەتىن ايماقتان تىس جەردە تۇراتىن ازاماتتاردى, سونداي-اق, باستاپقى مەديتسينالىق-سانيتارلىق كومەك كورسەتەتىن مەكەمە جۇكتەمەسى شەكتەن اسىپ كەتكەن جاعدايدا تىركەۋدەن باس تارتۋى مۇمكىن. قولدانىستاعى نورماتيۆتەرگە سايكەس, ۋچاسكەدەگى جالپى پراكتيكا دارىگەرىنە تىركەلگەندەر سانى 1700-دەن اسپاۋى ءتيىس.
سونداي-اق, بيىل تىركەۋ تارتىبىنە بىرقاتار وزگەرىستەر ەنگىزىلدى.
