سپورت • 08 قىركۇيەك، 2021

تەمىرتاۋلىق ۆەلوشاباندوز الەم چەمپيوناتىنىڭ قولا جۇلدەگەرى اتاندى

19 رەت كورسەتىلدى

تەمىرتاۋلىق ون جەتى جاسار ۆەلوشاباندوز كيريلل كۋرديدي ۆەلوسپورتتان الەم چەمپيوناتىندا قولا جۇلدەگە يە بولدى. جارىس كايردە (ەگيپەت) ءوتتى، دەپ حابارلايدى Egemen.kz.

جارىسقا 45 ەلدەن 500-دەن استام سپورتشى قاتىستى. قازاقستان ۇلتتىق قۇراماسىنىڭ قاتارىنا قاراعاندى وبلىسىنان ءۇش سپورتشى كىردى. كيريلل كۋرديدي 1000 مەتر قاشىقتىققا باعىتتالعان گيتتە قولا مەدال جەڭىپ الدى. گيت – بۇل جەكە ۆەلوترەك جارىسىنىڭ ءبىر ءتۇرى. مۇنداي جارىستا ساتتىلىكتىڭ نەگىزگى كومپونەنتتەرى – كۇش پەن تەحنيكا. ناتيجە سەكۋندتىڭ مىڭدىق ۇلەسىنە دەيىنگى دالدىكپەن تىركەلەدى.

«كيريلل 11 جاسىنان باستاپ ۆەلوسپورتپەن اينالىسادى. ترەك جانە تاس جول سياقتى باعدارلامالار تۇرىندە جاتتىعادى. ونىڭ وسى ءساتتى ونەر كورسەتۋىنە دەيىن دە سپورتتاعى جەڭىستەرى جەتەرلىك. قازاقستان چەمپيوناتتارىنىڭ كۇمىس مەدالدارى، 2021 جىلى قىسقى رەسپۋبليكالىق بىرىنشىلىكتە كوماندالىق سپرينتتە جەڭىسكە جەتسە، كەيىن جارىستا ەكىنشى ورىن الدى»، دەپ مالىمدەدى قاراعاندى وبلىسىنىڭ دەنە شىنىقتىرۋ جانە سپورت باسقارماسىندا.

ۆەلوشاباندوزدىڭ العاشقى تالىمگەرى – جوعارى دەڭگەيدەگى جاتتىقتىرۋشى ەلەنا پولەنوۆا. قازىرگى ۋاقىتتا سپورتشىنى وليمپيادالىق دايارلاۋ ورتالىعىنىڭ ترەك-سپرينت بويىنشا اعا جاتتىقتىرۋشىسى يۆان سيۆاش جاتتىقتىرادى.

سوڭعى جاڭالىقتار

بۇۇ-نىڭ جاھاندىق شارتىنا قوسىلدى

ەكونوميكا • بۇگىن، 00:34

جەتى ءتۇرلى ءسوز

ادەبيەت • كەشە

انتىنا ادال ازامات

قازاقستان • كەشە

ەلوردا كۇنىنە تارتۋ

تەاتر • كەشە

ۇقساس جاڭالىقتار