«مەملەكەت باسشىسىنىڭ بيىلعى جولداۋىندا بيۋدجەت كىرىسىن ۇلعايتۋ بويىنشا بەرگەن تاپسىرماسىن ورىنداۋ ءۇشىن اۋقىمدى جۇمىستار جۇرگىزىلۋدە. اتاپ ايتقاندا, شاعىن جانە ورتا بيزنەستىڭ جوسىقسىز سۋبەكتىلەرىن كولەڭكەدەن شىعارۋ, قولما-قول اقشاسىز اينالىمداردى اكىمشىلەندىرۋ جانە فيسكالدىق زاڭنامانى ساقتاۋ باعىتتارى كۇشەيتىلەدى. بۇل رەتتە پروتسەستەردى تسيفرلاندىرۋعا باستى نازار اۋدارىلۋدا», دەدى ول ورتالىق كوممۋنيكاتسيالار قىزمەتىندەگى ءباسپاسوز ءماسليحاتىندا.
ونىڭ ايتۋىنشا, كولەڭكەلى ەكونوميكانىڭ ۇلەسىن 2025 جىلعا دەيىن 40 پايىزعا تومەندەتۋ ءۇشىن قر قارجىلىق مونيتورينگ اگەنتتىگىمەن بىرلەسىپ, ەكونوميكانىڭ بارلىق سالالارى مەن باعىتتار بويىنشا كولەڭكەلى ەكونوميكاعا قارسى ءىس-قيمىل جونىندەگى ءىس-شارالار جوسپارىن وزەكتەندىرۋ جونىندە جۇمىستار جۇرگىزىلۋدە.
«ۇلت جوسپارىنىڭ 42-قادامىن ورىنداۋ ءۇشىن 2021 جىلعى 1 قاڭتاردان باستاپ جالپىعا بىردەي دەكلاراتسيالاۋ كەزەڭ-كەزەڭىمەن ەنگىزىلدى. جالپىعا بىردەي دەكلاراتسيالاۋعا كوشۋ كولەڭكەلى اينالىمدى, سىبايلاس جەمقورلىق دەڭگەيىن تومەندەتەدى جانە مەملەكەتتىك بيۋدجەتكە قوسىمشا تۇسىمدەردى قامتاماسىز ەتەدى. حالىقارالىق مالىمەتتەردى ەلەكتروندى تۇردە الماسۋ اياسىندا ءبىز كوپجاقتى كونۆەنتسياعا قول قويدىق. قر ازاماتتارىنىڭ قارجىلىق شوتتارى بويىنشا 100-دەن استام يۋريسديكتسيادا اقپارات الماسۋدى باستاۋدى جوسپارلاپ وتىرمىز. بۇگىنگى كۇنى دەكلاراتسيانى 476 مىڭ ادام نەمەسە جالپىعا بىردەي دەكلاراتسيالاۋدىڭ ءبىرىنشى كەزەڭىنىڭ 99 پايىزى ۇسىندى. ءوتىنىش بەرۋدىڭ ەڭ تانىمال ءتاسىلى e-Salyq Azamat ءموبيلدى قوسىمشاسى بولىپ وتىر. ونىڭ كومەگىمەن دەكلاراتسيانىڭ 52 پايىزى ۇسىنىلدى», دەپ تولىقتىردى جايدار ىڭكارباەۆ.
