«مەملەكەت باسشىسىنىڭ جولداۋىنداعى بيۋدجەت كىرىسىن ۇلعايتۋ بويىنشا اۋقىمدى شارالار جۇرگىزىلىپ جاتىر. اتاپ ايتقاندا شاعىن جانە ورتا بيزنەستىڭ جوسىقسىز سۋبەكتىلەرىن كولەڭكەدەن شىعارۋ, قولما-قول اقشاسىز اينالىمدى اكىمشىلەندىرۋ جانە فيسكالدىق زاڭنامانى ساقتاۋ بويىنشا جۇمىس كۇشەيەدى. بۇل رەتتە پروتسەستەردى تسيفرلاندىرۋعا باسىمدىق بەرىلىپ جاتىر», دەدى ىڭكارباەۆ.
ول اتاعانداي, تولىققاندى رەجيمدە تاۋارلاردى قاداعالاپ وتىرۋدىڭ ۇلتتىق جۇيەسىن ىسكە قوسۋ جوسپارلانىپ وتىر.
«تسيفرلىق ساۋاتتىلىقتى اكىمشىلەندىرۋدە ەلەكتروندىق شوت-فاكتۋرالاردىڭ اقپاراتتىق جۇيەسىن ەنگىزۋ تيىمدىرەك بولىپ ەسەپتەلەدى. وندا تاۋارلارعا قۇجاتتامالىق قاداعاۋلار جۇرگىزىلەدى. جالعان شوت-فاكتۋرالارعا جول بەرمەۋ بويىنشا جۇيەلىك ءىس-ارەكەتتەر قولدانىلادى. بيزنەسكە اكىمشىلىك جۇكتەمە تومەندەتىلەدى. بۇزۋشىلىقتار قاشىقتان انىقتالىپ, ولاردىڭ بارلىعىنا حابارلاما جولدانادى», دەدى ول.
جايدار ىڭكارباەۆ بيىل 40 مىڭعا جۋىق ەلەكتروندى حابارلاما جولدانعانىن ايتتى. ولاردىڭ ناتيجەسىندە 132 ملرد تەڭگە سالىق قوسىمشا ەسەپتەلگەن.
