بىلتىر تامىز ايىندا قازاقتىڭ داڭقتى ۇلى, ماسكەۋ وليمپياداسىنىڭ جەڭىمپازى, الەم چەمپيونى, «قازاقستاننىڭ ەڭبەك ەرى» جاقسىلىق ۇشكەمپىروۆ دۇنيەدەن وتكەن بولاتىن. دارابوز تۇلعانى حالقى ەشقاشان ۇمىتپايدى.
بۇگىن نۇر-سۇلتان قالاسىندا جاقسىلىق ءامىرالى ۇلىنا ورناتىلعان ەسكەرتكىشتىڭ اشىلۋ سالتاناتى ءوتتى.
ەسكەرتكىش ەلوردادا قابانباي باتىر داڭعىلىنداعى جاقسىلىق ۇشكەمپىروۆ اتىنداعى سپورت سارايىنىڭ الدىنا ورناتىلعان.
ماسكەۋ تورىندە اتوي سالعان جاقسىلىق ۇشكەمپىروۆ قازاق بالۋاندارىنا, جالپى سپورتشىلارىنا ۇنەمى اعالىق قامقورلىعىن كورسەتەتىن.
كاسىپكەر رەتىندە مال شارۋاشىلىعىن دامىتىپ, ءبىر اۋىلعا شاراپاتىن تيگىزىپ, تالاي جاستى جۇمىسپەن قامتىدى. ازىرشە وسى داڭقتى ازاماتتان كەيىن ەشبىر قازاق بالۋانى وليمپيادا التىنىن الا الماي كەلەدى.
