«توكيو پاراليمپياداسىندا ءبىزدىڭ ەلىمىز ءوز سپورتشىلارىن ۇكىلەپ قوستى. ءدۇبىرلى دودا الدىندا مەملەكەت باسشىسى سپورتشىلاردى ارنايى قابىلداپ, اق جول تىلەدى. كەزدەسۋ بارىسىندا پرەزيدەنت الەمدەگى ءجۇز مىڭداعان سپورتشىنىڭ اراسىنان ۇزدىك شىعىپ, ويىندارعا جولداما الۋ ەكىنىڭ ءبىرىنىڭ قولىنان كەلە بەرمەيدى دەگەن بولاتىن. پرەزيدەنت ايتقانداي, سىزدەر وعان كاسىبي بىلىكتىلىك پەن دايىندىقتىڭ ارقاسىندا قول جەتكىزۋگە بولاتىنىن دالەلدەدىڭىزدەر. پاراسپورتپەن اينالىساتىن ءاربىر ادام – جەڭىمپاز. بۇگىن ەلىمىز بويىنشا 20 مىڭعا جۋىق ازامات پاراسپورت تۇرىمەن جۇيەلى تۇردە اينالىسىپ كەلەدى. سونىڭ ىشىندە 500 سپورتشى ۇلتتىق قۇراما ساپىندا ونەر كورسەتەدى. مەملەكەت پاراليمپيادالىق سپورت تۇرلەرىن دامىتۋ ءۇشىن قاجەتتى جاعداي جاساي بەرەدى. قازىر وڭىرلەردە پاراسپورتشىلارعا ارنالعان 16 ارنايى توپ پەن مەكتەپ جۇمىس ىستەيدى. ەلوردامىزدا 2018 جىلى پاراليمپيادالىق جاتتىعۋ ورتالىعى اشىلدى. زامان تالابىنا ساي جابدىقتالعان ورتالىق اقش, ۇلىبريتانيا, جاپونيا, وڭتۇستىك كورەيا ەلدەرىمەن قاتار ءبىزدىڭ ەلدە دە بار», دەدى ق.كوشەرباەۆ.
