بايقاۋ بارىسىندا قازاق, ورىس جانە اعىلشىن تىلدەرىندە 50-دەن استام ماقالا ۇسىنىلدى.
«بارلىق ماقالا بۇۇ كوميسسياسىنىڭ مۇقيات ىرىكتەۋىنەن ءوتتى. باعالاۋ وڭاي بولعان جوق: بىزگە كليماتتىڭ وزگەرۋى, بيوارتۇرلىلىك جانە ەكوجۇيەنى ساقتاۋ ماسەلەلەرى تۋرالى وي سالارلىق كوپتەگەن ماقالا ءتۇستى. ولاردى كرەاتيۆ, زەرتتەۋ دەڭگەيى جانە مەملەكەتتىك قىزمەتكەرلەردىڭ, بيزنەستىڭ جانە, ەڭ باستىسى, ادامداردىڭ نازارىن كليماتتىڭ وزگەرۋىنە بۇرىپ, جاردەمدەسۋگە قانشالىقتى شابىتتاندىراتىنىنا قارادىق», دەدى قازاقستانداعى بۇۇ تۇراقتى ۇيلەستىرۋشىسى ميكاەلا فريبەرگ-ستوري.
بۇۇ كونكۋرستىق كوميسسياسى ءۇش جۇمىستى ۇزدىك دەپ تانىپ, اقشالاي سىياقى بەردى. اتاپ ايتقاندا:
- ءى ورىن - جاننا شاياحمەتوۆا, The Astana Times, (گلازگو كليماتتىق سامميتىنە ساپار, قۇنى 1 ميلليون تەڭگە ۆاۋچەر);
- ءىى ورىن - زۋلفيا رايسوۆا, CABAR Asia (550 000 تەڭگە سوماسىندا ۆاۋچەر);
- III ورىن - دۋلات تولەپوۆ, ەلوردا اقپارات (350 000 تەڭگە سوماسىندا ۆاۋچەر).
سونىمەن قاتار, بايقاۋعا قاتىسقان 12 جۋرناليست قازاقستانداعى بۇۇ اتىنان سەرتيفيكاتتار مەن ىنتالاندىرۋ سىيلىقتارىنا يە بولدى.
