«جامبىلداعى جارىلىستىڭ سالدارىنان قيراعان عيماراتتاردى قالپىنا كەلتىرۋ مەن شىعىندى ەسەپتەۋ ءۇشىن اكىمدىك ارنايى توپ قۇردى. 5 جۇمىس توبى وسى جۇمىستارمەن اينالىسادى. ونىڭ قۇرامىندا «قازقسعزي», جوبالىق ۇيىم وكىلدەرى مەن تجم وكىلدەرى بار», دەدى ەرلان ورىنباەۆ.
ورىنباەۆ اتاعانداي, 47 نىسانعا «قازقسعزي» تەحنيكالىق شەشىم شىعاردى.
«الدىن الا مالىمەتتەر بويىنشا جارىلىستان 118 جەكە جىلجىمايتىن م ۇلىككە زارداپ كەلگەن. ونىڭ ىشىندە 106 تۇرعىن ءۇي مەن 12 كوممەرتسيالىق ۇيىم. ونىڭ ىشىندە 35 ۇي مەن 12 كوممەرتسيالىق ۇيىم ايتارلىقتاي قيراعان. بۇگىندە 12 مەردىگەرلىك ۇيىم قالپىنا كەلتىرۋ جۇمىستارىنا كىرىستى. 23 تەحنيكا مەن 185 قىزمەتكەر جۇمىس ىستەپ جاتىر. 71 تۇرعىن ءۇي جەڭىل قيراعان. ونىڭ 43-ىندە جوندەۋ جۇمىستارى اياقتالدى», دەدى ول.
وزگە نىسانداردى جوندەۋ جۇمىستارى 1-1,5 اي ىشىندە اياقتاۋ جوسپارلانعان.
«4 الەۋمەتتىك نىسانعا زيان كەلتىرىلگەن. ونىڭ ۇشەۋى مەكتەپ بولسا, بىرەۋى - مەدپۋنكت. جىبەك جولى اۋىلىنداعى ورتا مەكتەپ ايتارلىقتاي قيراعان», دەدى ول.
