«مەملەكەت باسشىسىنىڭ حالىقتىڭ ءال-اۋقاتىن ارتتىرۋعا باعىتتالعان 5 باستاماسىن ىسكە اسىرۋ ماقساتىندا كەلەسى ءىس-شارالار ىسكە اسىرىلاتىن بولادى. بىرىنشىدەن, ەڭ تومەنگى جالاقى 2022 جىلدىڭ 1 قاڭتارىنان باستاپ 60 مىڭ تەڭگەگە دەيىن ۇلعايتىلادى», دەدى اسەت ەرعاليەۆ ۇكىمەت وتىرىسىندا.
ەكىنشىدەن, بيزنەستى ءوز قىزمەتكەرلەرىنىڭ جالاقىسىن ارتتىرۋعا ىنتالاندىرۋ شارالارى ازىرلەنەتىن بولادى.
«ۇشىنشىدەن, ەتق جۇكتەمەسىن 2023 جىلدان باستاپ 34%-دان 25%-عا دەيىن تومەندەتۋدى كوزدەيتىن ميكرو جانە شاعىن بيزنەس ءۇشىن ەڭبەكاقى تولەۋ قورىنان بىرىڭعاي تولەمدى ەنگىزۋ جوسپارلانۋدا. تورتىنشىدەن, ازاماتتىق قىزمەتشىلەردىڭ جەكەلەگەن ساناتتارىنىڭ جالاقىسىن جىل سايىن 2022 جىلدان 2025 جىلعا دەيىن 20%-عا ۇلعايتۋ كوزدەلىپ وتىر. بەسىنشىدەن, ەڭ تومەنگى جەتكىلىكتىلىك شەگىنەن جوعارى زەينەتاقى اۋدارىمدارىنىڭ ءبىر بولىگىن تۇرعىن ءۇي ساتىپ الۋ ءۇشىن «وتباسى بانكىندەگى» شوتقا اۋدارۋ مۇمكىندىگى بەرىلەتىن بولادى», دەپ اتاپ ءوتتى مينيستر.
