«باعانى تۇراقتاندىرۋ ءۇشىن, ەڭ الدىمەن, تۇراقتاندىرۋ قورلارىنىڭ جۇمىس ءپرينتسيپىن قايتا قاراۋ قاجەت. ماۋسىمارالىق كەزەڭدە - قاڭتاردان مامىرعا دەيىن تۇراقتاندىرۋ قورلارىندا قالا حالقىنىڭ قاجەتتىلىگىنىڭ 30% قامتيتىن كولەمدە كارتوپ, ءسابىز, قىرىققابات جانە پيازدىڭ 5 ايلىق قورىن جانە قاراقۇمىق پەن كۇنباعىس مايىن بۇكىل حالىقتىڭ قاجەتتىلىگى بويىنشا قالىپتاستىرۋ ۇسىنىلادى», دەدى ول.
ەسەپ بويىنشا رەسپۋبليكادا كارتوپ پەن كوكونىس ساتىپ الۋ كولەمى 229 مىڭ توننانى, سونداي-اق قاراقۇمىق جارماسى 17,6 مىڭ توننانى جانە كۇنباعىس مايى 28,5 مىڭ توننانى قۇرايتىنىن ايتتى.
«دايىن ءونىمدى الۋ ءۇشىن ازىق-ت ۇلىك كورپوراتسياسى جوسپارلانعان تۇراقتاندىرۋ قورلارىنىڭ 10% مولشەرىندە كۇنباعىس پەن قاراقۇمىقتىڭ قوسىمشا كولەمىن, سونداي-اق شامامەن 4 مىڭ توننا كولەمىندە قانت الۋدى ۇيىمداستىرادى. بۇل رەتتە ازىق-ت ۇلىك كورپوراتسياسىمەن 9 150 توننا كۇنباعىس (3 660 توننا ماي) جانە 691 توننا قاراقۇمىقتى (415 توننا قاراقۇمىق جارماسى) فورۆاردتىق ساتىپ الۋ شەڭبەرىندە كەلىسىمشارت جاسالدى. قاراقۇمىق, كۇنباعىس, قانتتىڭ قالعان كولەمى نارىقتا تىكەلەي ساتىپ الۋ بويىنشا ساتىپ الىنادى», دەدى ءبىرىنشى ۆيتسە-مينيستر.
