لانكاشير ۋنيۆەرسيتەتى مەن شوتلانديا ۇلتتىق مۋزەيىنىڭ عالىمدارى ترەسنەسس شىعاناعىنداعى ارالدان سيرەك كەزدەسەتىن ارتەفاكتىلەردى تاپتى. بۇل ايماقتا قازبا جۇمىستارى 2017 جىلدان بەرى جۇرگىزىلىپ كەلەدى.
«بۇل وتە قىزىقتى ولجا», دەپ تاڭداندى ارحەولوگتار توبى.
شارلاردىڭ ديامەترى شامامەن بەس سانتيمەتر. ساراپشىلار ولاردىڭ بىرەۋىنىڭ كەرەمەت سفەرالىق ءپىشىنى مەن ادەمى ارلەۋى بار ەكەنىن اتاپ ءوتتى.
«ولاردى قارۋ رەتىندە, سالت-جورالارعا نەمەسە تەرىنى وڭدەۋگە, ءتىپتى قۇرىلىس بلوكتارىن جىلجىتۋعا قاجەتتى زاتتار رەتىندە قولدانۋعا بولادى», دەگەن تەوريانى العا تارتتى ماماندار.
وركني ارالدارىندا تابىلعان شارلاردىڭ جالپى سانى 20-عا جۋىق. عالىمداردىڭ ويىنشا, «كەرەمەت ولجا» نەوليت داۋىرىنە جاتادى.
سونداي-اق, قازبا جۇمىستارى كەزىندە زەرتتەۋشىلەر ادامدار مەن جانۋارلاردىڭ سۇيەكتەرىن, كەراميكا مەن ءتۇرلى تاس ارتەفاكتىلەرىن كەزدەستىردى, ولاردىڭ اراسىندا پىشاقتار, بالعالار مەن ىدىستار بار.
