ايماقتار • 06 قىركۇيەك، 2021

شقو-دا دالا ءورتىن سوندىرۋگە كومەكتەسكەن 4 وقۋشى ماراپاتتالدى

33 رەت كورسەتىلدى

شىعىس قازاقستان وبلىسىندا شەمونايحا اۋدانىندا دالا ءورتىن سوندىرۋگە كومەكتەسكەن وقۋشىلار ماراپاتتالدى، دەپ حابارلايدى Egemen.kz.

شقو توتەنشە جاعدايلار دەپارتامەنتى ءباسپاسوز قىزمەتىنىڭ مالىمەتىنە سۇيەنسەك، 2 قىركۇيەكتە رۋليحا اۋىلىندا ءشوپ پەن قوقىس ورتەندى. ءتىلسىز جاۋ جالپى اۋدانى 200 شارشى مەتر جەردى شارپىدى.

«وقيعا ورنىنا ءورت ءسوندىرۋ بەكەتىنىڭ قىزمەتكەرلەرى شۇعىل كەلىپ جەتتى. سونداي-اق ولارعا سول ماڭداعى ي.استافەۆا اتىنداعى ورتا مەكتەپ وقۋشىلارى الان ابيۋروۆ، راميل شەۆچەنكو، ارتەم فيليپپوۆ جانە اناستاسيا فيليپپوۆا كومەككە ۇمتىلعان. ولار ءورتتى وشىرۋگە ارنالعان شارتىلداقتى الىپ، قىزىل جالىنمەن كۇرەستى. كوپ ۇزاماي وت تولىقتاي اۋىزدىقتالعان»، دەلىنگەن اقپاراتتا.

6 قىركۇيەك كۇنى تجد قۇتقارۋشىلارى مەكتەپ وقۋشىلارىن ماراپاتتاپ، العىس حاتتار مەن سىيلىقتار تابىس ەتتى. سالتاناتتى شارادا كارانتيندىك تالاپتار قاتاڭ ساقتالدى.

سوڭعى جاڭالىقتار

اينالما جولدىڭ ازابى

ايماقتار • كەشە

ۇقساس جاڭالىقتار