وقيعا • 06 قىركۇيەك، 2021

قوستانايدا 5 جاسار قىزدى ايۋ تىستەپ الدى

103 رەت كورسەتىلدى

قوستاناي اۋدانىنداعى دەمالىس ورنىندا كىرەكەي قىز بالانى تىستەپ العان. بۇل فاكتىنى وبلىستىق پوليتسيا دەپارتامەنتىنىڭ ءباسپاسوز قىزمەتىندە ءتۇسىندىردى، دەپ حابارلايدى Egemen.kz.

اقپاراتتى الەۋمەتتىك جەلىلەردە وقيعانىڭ كۋاگەرلەرى مەن زارداپ شەككەن قىزدىڭ جاقىندارى تاراتتى.

«5 قىركۇيەك كۇنى بەس جاسار قىز اتا-اناسىمەن بىرگە «رادۋگا» دەمالىس ورنىنا كەلگەن. اناسى مەن قىزى كىرەكەيدى تاماقتاندىرماق بولعان. باسىندا كىرەكەي ءوزىن جاقسى ۇستاعان، كەيىن قىز بالا ءوز بەتىنشە تورعا جاقىنداعان. وسى كەزدە كىرەكەي قىزدى اياعىنان تارتىپ، ونى بىرنەشە رەت تىستەگەن. بالانىڭ اتا-اناسى قۇتقارىپ العان. جىلىنشىگى تىستەلگەن بالا وبلىستىق بالالار اۋرۋحاناسىنا جەتكىزىلدى»، دەلىنگەن حابارلامادا.

بولعان وقيعا راستالدى، اتالمىش فاكتى بويىنشا قوستاناي اۋدانىنىڭ پوليتسيا ءبولىمى قر قك-ءنىڭ 114-بابى «دەنساۋلىققا ابايسىزدا زيان كەلتىرۋگە» سايكەس سوتالدى تەرگەۋدى باستادى. ول 80 اەك كولەمىندە ايىپپۇل نەمەسە سول كولەمدە تۇزەۋ جۇمىستارىن، نەمەسە 20 تاۋلىككە باس بوستاندىعىنان ايىرۋدى قاراستىرادى.

باستاپقى تەرگەۋ ارەكەتتەرى جۇرگىزىلدى. دەمالۋشىلار قازىرگى كەزدە كىرەكەيدىڭ دەمالىس ورنىنىڭ اۋماعىندا توردا ەكەنىن حابارلاپ جاتىر. ونىڭ جانىندا ەسكەرتۋ ماقساتىندا ساقتىق شارالارىن ساقتاۋ كەرەكتىگى تۋرالى تاقتايشالار قويىلعان.

سوڭعى جاڭالىقتار

دوللار ارزاندادى

قارجى • بۇگىن، 16:22

شىمكەنتتە دە LRT سالىنۋى مۇمكىن

ايماقتار • بۇگىن، 12:50

دوللار باعاسى تاعى قىمباتتادى

ەكونوميكا • بۇگىن، 10:32

ۇقساس جاڭالىقتار