بۇل تۋرالى بيولوگيالىق قاۋىپسىزدىك پروبلەمالارىنىڭ عىلىمي-زەرتتەۋ ينستيتۋتىنىڭ باس ديرەكتورى, كوروناۆيرۋسقا قارسى QazVac قازاقستاندىق ۆاكتسينانىڭ اۆتورى كۇنسۇلۋ زاكاريا ءمالىم ەتتى.
«بۇگىندە ءۇشىنشى كەزەڭ بويىنشا بارلىق كلينيكالىق زەرتتەۋ اياقتالىپ, 9 شىلدە كۇنى سوڭعى تالداۋ ناتيجەسى الىندى. شىلدەنىڭ سوڭىنا دەيىن تالداۋ ناتيجەسى تاعى ءبىر وڭدەلىپ, مالىمەتتەردىڭ ستاتيستيكاسى جاسالدى. بۇل جۇمىسقا 3 مىڭ ادام قاتىسىپ وتىر. سونداي-اق, شىلدەنىڭ سوڭىندا كلينيكالىق زەرتتەۋدىڭ قورىتىندى ەسەبى ازىرلەندى. قازىرگى كۇنى قورىتىندى ەسەپ دارىلىك زاتتار مەن مەديتسينالىق بۇيىمداردى ساراپتاۋ ۇلتتىق ورتالىعىنىڭ ساراپتاۋىنان ءوتىپ جاتىر, ونىڭ ناتيجەسى ءالى كەلگەن جوق. دەگەنمەن ءبىزدىڭ ازىرلەگەن ەسەپكە قاراپ, العاش وتاندىق ۆاكتسينانى كلينيكالىق زەرتتەۋ ءساتتى جۇرگىزىلدى دەپ ايتۋعا بولادى», دەدى كۇنسۇلۋ زاكاريا وكق-دە وتكەن ءباسپاسوز ءماسليحاتىندا. سونداي-اق, وتاندىق عالىم QazVac-تىڭ ءۇشىنشى كەزەڭىنە قاتىستى قورىتىندى ەسەپ وڭ باعا بەرىلگەن جاعدايدا وتاندىق ۆاكتسينا تۋرالى عىلىمي ماقالالاردىڭ جارىق كورەتىنىن ايتتى. «ەگەر QazVac-تىڭ ءۇشىنشى كەزەڭى بويىنشا بارلىق كلينيكالىق زەرتتەۋ ەسەبىن دارىلىك زاتتار مەن مەديتسينالىق بۇيىمداردى ساراپتاۋ ۇلتتىق ورتالىعى ماقۇلداعان جاعدايدا ءبىز قازاقستاندىق ۆاكتسينا تۋرالى كوپكە تانىمال جۋرنالدارعا ماقالا جاريا ەتپەكپىز. ماقسات - وتاندىق عىلىمنىڭ جەتىستىگىن دارىپتەۋ. ازىرگە قانداي جۋرنال جانە ماقالانىڭ قاي ۋاقىتتا جاريالاناتىنى بەلگىسىز», دەيدى ول.
