قازاقستان رەسپۋبليكاسىنىڭ قارۋلى كۇشتەرىندە ساردارلار مەن ساربازدار مەملەكەت باسشىسىنىڭ قازاقستان حالقىنا جولداۋى ەل دامۋىنىڭ نەگىزگى باعدارى بولىپ تابىلاتىندىقتان, جىلدىڭ باستى قۇجاتىنىڭ نەگىزگى يدەيالارى مەن ماقساتتارىن زەردەلەۋدە.
قازاقستان رەسپۋبليكاسىنىڭ قارۋلى كۇشتەرىندە ساردارلار مەن ساربازدار مەملەكەت باسشىسىنىڭ قازاقستان حالقىنا جولداۋى ەل دامۋىنىڭ نەگىزگى باعدارى بولىپ تابىلاتىندىقتان, جىلدىڭ باستى قۇجاتىنىڭ نەگىزگى يدەيالارى مەن ماقساتتارىن زەردەلەۋدە.
قر قك اۋە قورعانىسى كۇشتەرىنىڭ اسكەري ۇشقىشتارى پرەزيدەنتتىڭ «قازاقستان جولى – 2050: ءبىر ماقسات, ءبىر مۇددە, ءبىر بولاشاق» اتتى جولداۋىن كەڭىنەن تالقىلادى. جوعارعى باس قولباسشىنىڭ قامقورلىعى ارقاسىندا قازاقستان اسكەرى بۇگىنگى كۇنى قازىرگى زامانعى اسكەري تەحنيكامەن جاراقتانعان, اسكەري قىزمەتشىلەردىڭ الەۋمەتتىك ماسەلەلەرى مەملەكەت باسشىسىنىڭ ۇدايى نازارىندا.
بۇگىندە قازاقستان قارۋلى كۇشتەرىنىڭ اسكەري قىزمەتشىلەرى ۇقشۇ جانە ناتو ەلدەرى قارۋلى كۇشتەرىنىڭ اسكەري قىزمەتشىلەرىمەن بىرلەسىپ وتكىزىلەتىن حالىقارالىق وقۋ-جاتتىعۋلارعا قاتىسادى. حالىقارالىق ساراپشىلاردىڭ باعاسى بويىنشا, قازاقستان اسكەرى تمد ەلدەرى اراسىندا الدىڭعى ۇشتىككە كىرەدى. قازاقستان اسكەرىنىڭ قورعانىس قابىلەتىن نىعايتۋداعى باستى تاپسىرما ۇلتتىق قاۋىپسىزدىكتى قورعاۋ جانە ەلىمىزدىڭ الەمدىك جانە ايماقتىق پروبلەمالاردى شەشۋگە قاتىسۋى. ەلباسى وسى قۇندىلىقتاردىڭ ارقاسىندا ءبىزدىڭ جەڭىسكە جەتكەنىمىزدى, ەلىمىزدى نىعايتقانىمىزدى, ۇلى جەتىستىكتەرىمىزدى ارتتىرعانىمىزدى ايتتى. وسىنداي مەملەكەت قۇراۋشى, جالپىۇلتتىق قۇندىلىقتاردان جاڭا قازاقستاندىق ءپاتريوتيزمنىڭ نەگىزى قۇرالادى.
اۋە قورعانىسى كۇشتەرىنىڭ ءاسكەري قىزمەتشىلەرى جوعارعى باس قولباسشىنىڭ يدەيالارىن قولدايدى. قازاقستاننىڭ دامىعان وتىز ەلدىڭ قاتارىنا ەنۋى ءۇشىن وزدەرىنىڭ جاۋىنگەرلىك جانە پاتريوتتىق بورىشتارىن ابىرويمەن ورىنداۋعا دايار.
بۇدان بۇرىن حابارلاعانىمىزداي, قر قارۋلى كۇشتەرىنىڭ بارلىق بولىمدەرى مەن قۇرامالارىندا كومانديرلەر جەكە قۇرامعا ەلباسىنىڭ «قازاقستان جولى – 2050: ءبىر ماقسات, ءبىر مۇددە, ءبىر بولاشاق» اتتى قازاقستان حالقىنا جولداۋىن ءتۇسىندىرۋدى جالعاستىرۋدا.
«ەگەمەن-اقپارات».
