«قورقىنىش كورولى» اتانعان كينگ شىعارمالارى العاشقى سويلەمدەرىمەن-اق وقىرماندى باۋراپ الادى. پسيحولوگيالىق تريللەر جانرىندا جازاتىن قالامگەردىڭ شەبەرلىگى ادام نانعىسىز سيۋجەتتەر جاساي الۋىندا دەپ بىلەمىز. ستيۆەن كينگتىڭ فەنتەزي, ميستيكا, تريللەر, دەتەكتيۆ, قورقىنىشتى وقيعالار سياقتى ءتۇرلى جانردا جازعان 300-گە جۋىق اڭگىمەسى مەن رومانى بار. «سول» – Viking Press باسپاسى 1986 جىلى العاش رەت باسىپ شىعارعان, قورقىنىش پەن ۇرەي جانرىندا جازىلعان امەريكالىق جازۋشىنىڭ تانىمال رومانى.
شىعارمادا سانا قابىلەتى, بىرىككەن توپتىڭ كۇشى, بالالىق شاقتاعى وقيعالاردىڭ ەرەسەك ومىرگە اسەرى تاقىرىپتارى قوزعالادى. نەگىزگى سيۋجەتتە مەن شتاتىنداعى ويدان شىعارىلعان دەرري قالاشىعىندا جەتى ءجاسوسپىرىم ادامداردى ءولتىرىپ, كەز كەلگەن تۇرگە ەنە الاتىن جانتۇرشىگەرلىك قۇبىجىقپەن كۇرەسەدى. ارادا جىلدار ءوتىپ, جاسوسپىرىمدەر ەسەيەدى. بىراق وتكەننىڭ سۇمدىعى قايتا ورالىپ, الدەبىر سۇراپىل كۇش جەتى دوستى ز ۇلىمدىقپەن جاڭا ايقاسقا كيلىكتىرەدى. وسىلايشا, تۋىندىداعى وقيعا ەكى ءتۇرلى ۋاقىت ارالىعىندا باياندالادى, ءبىرى باستى كەيىپكەرلەردىڭ بالالىق شاعى بولسا, ەكىنشىسى ولاردىڭ ەرەسەك ءومىرىن باياندايدى.
كينگ بۇل روماندى 1981 جىلى باستاپ, ءتورت جىلىن ارناعان. ول كىتاپ كەيىپكەرلەرىنىڭ ءىس-ارەكەتىنە ءوزىنىڭ بالالىق شاعىنىڭ ەستەلىكتەرىن نەگىزدەگەن. سونداي-اق اۆتور «سولدى» ءوزىنىڭ «تانىمال قۇبىجىقتار سەرياسى» بويىنشا ەمتيحانىم دەپ سانادى. «سول» بۇعان دەيىنگى «دراكۋلا», «فرانكەنشتەين», «تروللەنبەرگ قۇبىجىعىنىڭ» ەلەمەنتتەرىن جيناعان «عارىشتان كەلگەن» قورقىنىش ىسپەتتى. كىتاپ جاريالانعاننان كەيىن ءبىر جىل ىشىندە ەكى جارىم ميلليون دانا تيراجبەن تاراپ كەتتى.
«سول» رومانى Locus Award جانە World Fantasy Award سىيلىعىنا ۇسىنىلعان. تۋىندى Rolling Stone جۋرنالىنىڭ تاڭداۋى بويىنشا كينگتىڭ ۇزدىك 10 تۋىندىسىنىڭ تىزىمىنە ەنگىزىلگەن, ال BBC-ءدىڭ 200 ۇزدىك ادەبيەت تىزىمىندە «سول» 144-ورىندا. ال رەجيسسيور توممي لي ۋوللەس 1990 جىلى رومان سيۋجەتى بويىنشا كىشىگىرىم سەريال ءتۇسىردى. 2017 جىلى ارگەنتينالىق رەجيسسەر اندرەس مۋسكەتتي كىتاپتىڭ ءبىرىنشى ءبولىمى بويىنشا كوركەم ءفيلمىن جاريالادى.
روماندى قازاق تىلىندە سويلەتكەن – زامانبەك ابدەشەۆ. ءتارجىما جۇمىستارىنا توعىز اي ۋاقىت كەتكەن. ايتا كەتسەك, «فوليانت» باسپاسىنىڭ باستاماسى بويىنشا الەم ادەبيەتىنىڭ التىن قازىناسىنا اينالعان حالەد حوسسەينيدىڭ «جارقىراعان مىڭ كۇن», «باتپىراۋىق قۋعان بالا», مو ياننىڭ ء«ومىر مەن ءولىم ازابى», ورحان پامۋكتىڭ «اق قامال», «سەزىم مۋزەيى», «مەنىڭ اتىم قىرمىزى», «مەنىڭ وعاش ويلارىم», ء«ۇنسىز ءۇي» تۋىندىلارى, گۋزەل ياحينانىڭ «زۇلەيحانىڭ ويانۋى» رومانى, استريد ليندگرەننىڭ «ۇزىنش ۇلىق پيپپي» كىتابى قازاق تىلىندە جارىق كورگەن بولاتىن.
