«اقتاۋ اگرو» جشس – ماڭعىستاۋ وبلىسىندا قۇس ەتىن وندىرەتىن ەڭ ءىرى جانە بىرەگەي ءوندىرىس وشاعى. وندا جىلىنا 5 مىڭ توننا تاۋىق ەتىن شىعارۋ جوسپارلانعان. اتالعان ينۆەستيتسيالىق جوبا ءوڭىردىڭ قۇس ەتىنە دەگەن قاجەتتىلىگىن 50%-عا جابۋعا مۇمكىندىك بەرەدى. بۇل يمپورتقا تاۋەلدىلىكتى ەكى ەسە ازايتادى دەگەن ءسوز.
جوبانىڭ جالپى قۇنى – 5,1 ملرد تەڭگە. بۇل سومانىڭ 30%-ى وتاندىق ينۆەستورلاردىڭ قاراجاتى ەسەبىنەن, قالعان بولىگىن «بايتەرەك» ۇلتتىق باسقارۋشى حولدينگىنىڭ «اگرارلىق نەسيە كورپوراتسياسى» اق قارجىلاندىردى. اگرارلىق نەسيە كورپوراتسياسى تاراپىنان قارجىلاندىرىلعان سومما 3 ملرد 573 ملن تەڭگەنى قۇرادى.
– بۇگىنگى تاڭدا قارىز الۋشىعا اينالىم قاراجاتىن تولتىرۋ ءۇشىن «اگروبيزنەس» باعدارلاماسى بويىنشا 700 ملن تەڭگە سوماسىنا كرەديتتىك جەلى اشىلدى. قالعان 1 ملرد تەڭگە مولشەرىندەگى قاراجات جوبانىڭ بارلىق نىساندارى ىسكە قوسىلعاندا بەرىلەتىن بولادى. اگرارلىق نەسيە كورپوراتسياسى ءاردايىم وسىنداي جوبالاردى قولداۋعا جانە قارجىلاندىرۋعا دايىن ەكەنىن ايتقىم كەلەدى. مۇنداي اۋقىمدى جوبالار ايماقتىڭ ەكونوميكاسىن كوتەرۋگە ىقپال ەتەدى, – دەيدى «اگرارلىق نەسيە كورپوراتسياسى» اق ماڭعىستاۋ فيليالىنىڭ باس مامانى شاحريار دجافارزادە.
وسى جىلدىڭ ءساۋىر ايىندا ماڭعىستاۋعا رەسەيدەن 38,5 مىڭعا جۋىق ينكۋباتسيالىق جۇمىرتقا اكەلىنىپ, قۇس فابريكاسى جانىنداعى ينكۋباتورعا جۇمىرتقالاردىڭ العاشقى پارتياسى سالىندى. سول مولشەردەگى ەكىنشى پارتيا ينكۋباتورعا 16 كۇننەن كەيىن تاعى سالىندى. وسىلايشا, برويلەر تۇقىمىنىڭ العاشقى بالاپاندارى ءساۋىر ايىنىڭ سوڭىندا باسىلىپ شىقتى. ءوسىپ-جەتىلگەن قۇستاردىڭ العاشقى پارتياسى 28 مامىردا سويۋ تسەحىنا جىبەرىلدى. دايىن سالقىنداتىلعان ءونىم ماۋسىم ايىنىڭ سوڭىندا «كاسپي قۇسى» برەندىمەن دۇكەن سورەلەرىنە شىعارىلدى.
– ءونىمنىڭ ورتاشا سالماعى شامامەن 1,5-2 كيلونى قۇرايدى, ال باعاسى ءبىر كيلو ءۇشىن 1200 تەڭگە. سالقىنداتىلعان ەتتىڭ باستى ەرەكشەلىگى – بويىنداعى پايدالى دارۋمەندەرى مەن ميكرو جانە ماكروەلەمەنتتەرىن جوعالتپايدى. ءبىز تاۋىق ەتىن شىعارعاننان باستاپ, تۇتىنۋشىعا جەتكەنگە دەيىن ساپاسىن باقىلايمىز. ال بىلىكتى ماماندارىمىز ساقتاۋ مەرزىمىن جانە تەمپەراتۋرالىق رەجىمىن قاتاڭ قاداعالاپ وتىرادى, – دەيدى كاسىپورىن باسشىسى د.تۇرعىنوۆ.
«اقتاۋ اگرو» كەشەنى ينكۋباتور, 30 مىڭنان استام قۇسقا ارنالعان 16 قورا جانە ساعاتىنا 2 مىڭ قۇس سويۋعا قاۋقارلى تسەح سىندى ءۇش الاڭنان تۇرادى. بۇگىندە كاسىپورىن برويلەردى وسىرۋگە قاجەتتى بارلىق جابدىقتارمەن قامتىلعان. ونىڭ ىشىندە ءونىمدى ءجىتى باقىلايتىن ۆەتەرينارلىق زەرتحانا دا بار.
قۇس فابريكاسىنداعى ەڭ كۇردەلى پروتسەستىڭ ءبىرى – تسەحتىڭ وندىرىستىك جۇمىسى. بالاپاندار ينكۋباتوردان باسىلىپ شىققاننان كەيىن قۇس وسىرەتىن ورتالىققا ورنالاستىرىلادى. قۇستار قاجەتتى دەڭگەيگە جەتكەندە سويۋ تسەحىنا جىبەرەدى.
«اگرارلىق نەسيە كورپوراتسياسى» اق 2018 جىلدىڭ شىلدە ايىندا «اگروەكسپورت» باعدارلاماسى بويىنشا جوبانى 8% مولشەرلەمەمەن 1 390 ملن تەڭگەگە قارجىلاندىرۋ تۋرالى شەشىم قابىلدادى. 2020 جىلى جوبا قايتا قارالىپ, قوسىمشا قۇس قورالارىن, مال سويۋ تسەحىن جانە قۇراما جەم زاۋىتىن سالۋ تۋرالى شەشىمگە كەلدى.
– ماڭعىستاۋ وبلىسىندا قۇس فابريكاسى سىندى ءىرى ينۆەستيتسيالىق جوبالاردىڭ ىسكە قوسىلۋى ءوڭىردىڭ اگروونەركاسىپتىك كەشەننىڭ جوعارى دەڭگەيگە كوشكەندىگىنىڭ كورىنىسى. بۇل تەك ەكونوميكالىق ءوسۋ ەمەس, الەۋمەتتىك قامتىلۋدىڭ ءبىر كورىنىسى. ويتكەنى تاۋىق ەتى حالىق اراسىندا ۇلكەن سۇرانىسقا يە. تاعى ءبىر ماڭىزدى جايت – بۇل وتاندىق ءارى جەرگىلىكتى ءونىم, – دەگەن «اقتاۋ اگرو» جشس ديرەكتورى دانيار تۇرعىنوۆتىڭ ايتۋىنشا, قۇس شارۋاشىلىعى كەشەنىن ىسكە قوسۋ وڭىرگە 90-نان استام تۇراقتى جۇمىس ورنىن اشىپ وتىر.
كاسىپورىن ديرەكتورىنىڭ ايتۋىنشا, ماڭعىستاۋ وبلىسىنىڭ اتقارۋشى ورگاندارى جوبانى جۇزەگە اسىرۋدا ۇلكەن قولداۋ كورسەتكەن. جەرگىلىكتى بيۋدجەت قارجىسىنان قۇس فابريكاسىنىڭ ينفراقۇرىلىمى سالىندى. بۇل ماقساتقا 1 ملرد تەڭگەدەن استام قارجى ءبولىندى.
بۇدان بولەك «اقتاۋ اگرو» جشس مۇنايلى اۋدانىندا قۋاتتىلىعى ساعاتىنا 10 مىڭ توننا جەم شىعاراتىن قۇراما جەم زاۋىتىنىڭ قۇرىلىسىن جۇرگىزىپ جاتىر. بۇل ءوندىرىس تەك قۇس فەرماسىنىڭ قاجەتتىلىكتەرىنە عانا ەمەس, مال شارۋاشىلىعىنا دا جەم شىعارۋ جوسپارلانعان.
ماڭعىستاۋ وبلىسى
