– اسكەري جيىنداردىڭ نەگىزگى ماقساتتارى اسكەري بولىمدەردىڭ جاۋىنگەرلىك جانە جۇمىلدىرۋ دايارلىعىن ارتتىرۋ, قازاقستان رەسپۋبليكاسىنىڭ قارۋلى كۇشتەرى, باسقا دا اسكەرلەرى مەن اسكەري قۇرالىمدارى ءۇشىن قاجەتتى اسكەري-وقىتىلعان رەسۋرستى دايىنداۋ جانە جيناۋ بولىپ تابىلادى, – دەپ اتاپ ءوتتى ۇيىمداستىرۋ-جۇمىلدىرۋ جۇمىسى دەپارتامەنتىنىڭ باستىعى پولكوۆنيك ساكەن ءجۇسىپوۆ.
اسكەري مىندەتتىلەردىڭ جيىنى سانيتارلىق-ەپيدەميولوگيالىق شارالاردى قاتاڭ ساقتاي وتىرىپ جۇرگىزىلدى. قاتىسۋشىلار جينالاتىن بارلىق ورىندارعا سانيتارلىق پوستار قويىلدى. ۆيرۋستىق ينفەكتسيادان قورعانۋدىڭ جولى پتر-تەكسەرۋدەن ءوتۋ بولدى.
ءبىر اي ىشىندە شاقىرىلعان اسكەري مىندەتتىلەردىڭ ارقايسىسى ءوزىنىڭ اسكەري ماماندىعى جانە جالپى اسكەري پاندەر بويىنشا تەوريالىق جانە پراكتيكالىق ساباقتار كۋرسىن مەڭگەرۋى ءتيىس. مۇندا پراكتيكالىق دايارلىققا باستى نازار اۋدارىلادى.
– مەنىڭ مەرزىمدى قىزمەتىمدى وتكەرگەنىمە 15 جىلدان استام ۋاقىت ءوتتى. وسى ۋاقىت ىشىندە اسكەري تەحنيكا وزگەرىپ, جاڭارتىلدى, جاعداي ايتارلىقتاي جاقساردى. مەن تاعى دا اسكەري ورتاعا كەلگەنىمە قۋانىشتىمىن. بۇل قالىپتاسقان داعدىلاردى نىقتاپ, جاڭا ادىستەردى ۇيرەنۋگە جاقسى مۇمكىندىك, – دەدى جيىندارعا قاتىسۋشى زاپاستاعى اعا سەرجانت تالعات مۇساليمانوۆ.
بۇنداي شارانىڭ ماڭىزدىلىعى – جۇمىس ىستەيتىن ازاماتتاردىڭ جيىن كەزىندە ءومىر سۇرۋگە جاعداي جاساۋ جانە الاتىن جالاقى ءۇشىن وتەماقى تولەۋ بولىپ تابىلادى. اسكەري جيىنعا شاقىرىلعان بارلىق اسكەري مىندەتتىلەر بولىمدەردىڭ پوليگوندارىنداعى شاتىرلى قالاشىقتارعا ورنالاسادى. جيىنعا قاتىسۋشىلار قورعانىس مينيسترلىگىنىڭ قاراجاتى ەسەبىنەن تاماقپەن جانە زاتتاي م ۇلىكپەن قامتاماسىز ەتىلەدى.
جيىن قورىتىندىسى بويىنشا سىناقتار وتكىزىلىپ, ونىڭ ناتيجەلەرى بويىنشا باعدارلامانى ءساتتى مەڭگەرگەن اسكەري مىندەتتىلەرگە كەزەكتى اسكەري اتاقتار بەرىلەتىن بولادى.
اسكەري بولىمگە دەيىن جانە كەرى قاراي جول ءجۇرۋ ۋاقىتىن قوسا العاندا, جيىن كەزەڭىندە اسكەري مىندەتتىلەردىڭ جۇمىس ورنى, اتقاراتىن لاۋازىمى ساقتالادى, ولارعا رەسپۋبليكالىق بيۋدجەتتەن ورتاشا ايلىق جالاقى تولەنەدى.
