قازاقستان رەسپۋبليكاسى پارلامەنتى سەناتىنىڭ توراعاسى قاسىم-جومارت توقاەۆ گرۋزيانىڭ قازاقستانداعى ەلشىسى زۋراب پاتارادزەنى قابىلدادى, دەپ حابارلادى سەناتتىڭ ءباسپاسوز قىزمەتى.
قازاقستان رەسپۋبليكاسى پارلامەنتى سەناتىنىڭ توراعاسى قاسىم-جومارت توقاەۆ گرۋزيانىڭ قازاقستانداعى ەلشىسى زۋراب پاتارادزەنى قابىلدادى, دەپ حابارلادى سەناتتىڭ ءباسپاسوز قىزمەتى.
ەلشى سەنات توراعاسىن گرۋزياداعى ىشكى ساياسي جانە الەۋمەتتىك-ەكونوميكالىق دامۋ, سونداي-اق, قازاقستانمەن بىرلەسكەن ينۆەستيتسيالىق جوبالاردى ىسكە اسىرۋ تۋرالى حاباردار ەتتى.
ەكىجاقتى قاتىناستاردىڭ دوستىق سيپاتى جانە كەلەشەگى زور ەكەنىن اتاپ وتە كەلىپ, ق.توقاەۆ گرۋزين پارلامەنتشىلەرىنە ەلىمىزدىڭ قازىرگى دامۋى بارىسىمەن تانىسۋ ءۇشىن قازاقستانعا كەلۋگە شاقىرۋىن جولدادى. سەنات توراعاسى گرۋزين ديپلوماتىن پرەزيدەنت ن.نازارباەۆتىڭ تاياۋدا جاريا ەتكەن جولداۋىنىڭ نەگىزگى ەرەجەلەرى تۋرالى حاباردار ەتتى.
سول كۇنى ق.توقاەۆ بۇۇ-نىڭ رەزيدەنت-ۇيلەستىرۋشىسى, بۇۇ دامۋ باعدارلاماسىنىڭ قازاقستانداعى تۇراقتى وكىلى ستيۆەن تۋللمەن دە كەزدەستى. جۇزدەسۋشىلەر قازاقستان مەن بىرىككەن ۇلتتار ۇيىمىنىڭ ءوزارا ءىس-قيمىلىنىڭ وزەكتى ماسەلەلەرىن تالقىلادى. س.تۋلل سەنات توراعاسىنا بۇۇ دامۋ باعدارلاماسىنىڭ ءبىزدىڭ ەلىمىزدەگى قىزمەتى تۋرالى ايتىپ بەردى. ق.توقاەۆ قازاقستاننىڭ امبەباپ ءارى بالاماسىز ۇيىم بولىپ تابىلاتىن بۇۇ-مەن ءوزارا ءىس-قيمىلىنىڭ باسىم سيپاتىن اتاپ ءوتتى.
