قالاداعى باس مەملەكەتتىك سانيتارلىق دارىگەردىڭ ورىنباسارى جاننا پىراليەۆانىڭ مالىمدەۋىنشە, سوڭعى 10 كۇندە تاۋلىگىنە 650-دەن از ادام ۆيرۋس جۇقتىرسا, ال سوڭعى اپتادا ولاردىڭ تاۋلىكتەگى ورتاشا سانى 470-ءتى قۇرادى.
«تامىز ايىندا اۋرۋ دەڭگەيى شىلدەمەن سالىستىرعاندا 21%-عا تومەندەدى. اپتاسىنا سىرقات سانى 25-تەن 31%-عا دەيىن ازايدى. ماسەلەن, سوڭعى اپتادا ۆيرۋس جۇقتىرۋ كورسەتكىشى وتكەن اپتامەن سالىستىرعاندا 100 مىڭ تۇرعىنعا شاققاندا 31%-عا تومەن بولدى. ءبىر اپتا ىشىندە 3355 ادام COVID-19 جۇقتىردى. الدىڭعى اپتادا ول 4920 ادام بولعان. 100 مىڭ تۇرعىنعا شاققانداعى قارقىندى كورسەتكىش – 258,2. رەپرودۋكتيۆتى ءنومىر – 0,765», دەدى جاننا پىراليەۆا.
الايدا سىرقات سانى ازايعانىمەن قالا «قىزىل ايماقتان» شىققان جوق. سىرقاتتانۋشىلىقتىڭ جالپى كورسەتكىشىندە كلينيكالىق بەلگىلەرى بار ناۋقاستاردىڭ ۇلەسى ءالى دە جوعارى (78-79%).
«سوندىقتان كۆي اۋرۋىنىڭ دەڭگەيىن ودان ءارى تومەندەتۋ ءۇشىن ازاماتتار سانيتارلىق نورمالاردى قاتاڭ ساقتاۋى كەرەك, ماسكا رەجيمىن, الەۋمەتتىك قاشىقتىقتى جانە قول گيگيەناسىن ساقتاۋى كەرەك», دەپ جازادى قالا اكىمىنىڭ ءباسپاسوز قىزمەتى.
