1 قىركۇيەكتە يسپانيانىڭ ورتالىق جانە شىعىس بولىكتەرىندە نوسەر جاۋىپ, قاتتى سۋ تاسقىنىنا اكەلدى. اسىرەسە تولەدو, تارراگونا جانە كاستەلون پروۆينتسيالارى زارداپ شەكتى, ۇيلەر مەن جولدار سۋ استىندا قالدى.
كاتالونيادا كۇنىنە 1 شارشى مەترگە 77 ليتر جاڭبىر جاۋىپ, ماتەريالدىق شىعىنعا ۇشىرادى.
Renfe تەمىرجول كومپانياسى سارسەنبىدە مادريد-تولەدو باعىتى بويىنشا پويىزداردىڭ قوزعالىسىن توقتاتتى جانە بەيسەنبىدە وسى باعىتقا بيلەت ساتۋعا تىيىم سالدى. El País اقپاراتىنا سايكەس, سارسەنبىدە ۆالەنسيا مەن بارسەلونا اراسىنداعى التى پويىز دا توقتاتىلدى.
مەملەكەتتىك مەتەورولوگيالىق اگەنتتىكتىڭ (Aemet) حابارلاۋىنشا, بۇگىن يسپانيا استاناسىندا نوسەر جاڭبىر جاۋادى. سارى نەمەسە قىزعىلت سارى دارەجەدەگى اۋا رايى قاۋپى ەلدىڭ 15 پروۆينتسياسىندا جاريالاندى.
