ء«داندى جانە ءداندى-بۇرشاقتى داقىلدار 16,1 ملن گەكتار (ونىڭ ىشىندە بيداي – 12,9 ملن گا), مايلى داقىلدار-3,1 ملن گەكتار, كوكونىس جانە كارتوپ – 473,8 مىڭ گەكتار, ماقتا – 109,7 مىڭ گەكتار, قانت قىزىلشاسى – 21,7 مىڭ گەكتار, جەم-ءشوپ داقىلدارى 3,2 ملن گەكتار القاپتا ورنالاستىرىلدى.
بيىل ەگىن جيناۋ ناۋقانى ۋاقتىلى باستالدى جانە بۇگىندە ەل بويىنشا بارلىعى 7,9 ملن گەكتار ءداندى جانە ءداندى-بۇرشاقتى داقىلدار نەمەسە جالپى جيناۋ الاڭىنىڭ 49,4 پايىزى جينالدى», - دەلىنگەن قر اۋىل شارۋاشىلىعى مينيسترلىگى مالىمەتىندە. اعىمداعى ورتاشا ونىمدىلىك گەكتارىنا 8 تسەنتنەر قۇراپ, 6,3 ملن توننا استىق باستىرىلدى.
ەگىن جيناۋ جۇمىستارى باستالاتىن ۋاقىتقا اۋىل شارۋاشىلىعى تاۋارىن وندىرۋشىلەر بارلىق قاجەتتى تەحنيكانى دايىنداعان. جالپى, ەگىن جيناۋ جۇمىستارىن جۇرگىزۋ ءۇشىن رەسپۋبليكادا 141,7 مىڭ تراكتور, 73,5 مىڭ تراكتور تىركەمەسى, 36,9 مىڭ استىق جينايتىن كومباين, 12,8 مىڭ دەستەلەگىش بار.
رەسپۋبليكادا استىقتى ساقتاۋدىڭ جالپى سىيىمدىلىعى 28,8 ملن توننا, ونىڭ ىشىندە استىق قابىلداۋ كاسىپورىندارىندا 12 ملن توننا, اۋىل شارۋاشىلىعى تاۋارىن وندىرۋشىلەردە 16,8 ملن توننانى قۇرايدى.
كورسەتىلگەن ساقتاۋ سىيىمدىلىعى وتكەن جىلدان قالعان استىق كولەمدەرىن ەسكەرە وتىرىپ, جاڭا ەگىندى ساقتاۋ ءۇشىن جەتكىلىكتى.
