پوليتسيا دەپارتامەنتىنىڭ باستىعى, پوليتسيا گەنەرال-مايورى قايرات دالبەكوۆ بايقاۋ جەڭىمپازدارىن ماراپاتتاۋ راسىمىندە قاتىسۋشىلارعا العىسىن جەتكىزدى. «سەندەرگە ۇلكەن راحمەت, بويلارىڭداعى دارىندارىڭدى ورتاعا سالىپ, جارىسقا قاتىستىڭدار. ءبىزدىڭ قازىلار سەندەردىڭ ەڭبەكتەرىڭدى ءجىتى قاراپ, ىشىندەگى ەڭ ادەمى سالىنعاندارىن ىرىكتەپ الدى. ونەرلەرىڭ ورگە ءجۇزسىن!», دەدى گەنەرال-مايور. قازىلار القاسى جاس دارىندار قولىنان شىققان تۋىندىلارعا ءوز باعاسىن بەردى. ياعني بايقاۋ قورىتىندىسىندا مىڭنان تۇلپار, جۇزدەن جۇيرىك شىققان 15 قاتىسۋشى انىقتالىپ, ارنايى «العىس حات», سونداي-اق سىيلىق رەتىندە مەكتەپكە ارنالعان سومكەلەر جانە كەڭسە زاتتارى تابىس ەتىلدى. جۇلدەلى ءىىى ورىندى تولەبي اپب كوشى-قون قىزمەتى توبىنىڭ اعا ينسپەكتورى, پوليتسيا مايورى نۇربول سەيىتبەكوۆتىڭ 12 جاستاعى قىزى اميرا ابديساپار يەلەنسە, ءىى ورىندى تو پد جقاج ينسپەكتور-پسيحولوگى, پوليتسيا كاپيتانى ايگەرىم يساەۆانىڭ 11 جاستاعى قىزى كاميلا ەلمۇرات الدى. ال ءى ورىندى تۇركىستان قپب جپق ۋچاسكەلىك پوليتسيا ينسپەكتورى, پوليتسيا مايورى مۋحامماد جۇماديلاەۆتىڭ 10 جاستاعى قىزى ميرا حاناديللا جەڭىپ الدى. جۇلدەلى ورىن يەلەرىنە زاماناۋي سمارتفون, ۇيالى تەلەفون سىيعا بەرىلدى.
وقۋشىلاردىڭ بويىندا تۋعان جەرگە دەگەن پاتريوتتىق سەزىمىن ارتتىرىپ, بوس ۋاقىتتارىن ءتيىمدى پايدالانۋعا داعدىلاندىرۋ ماقساتىنداعى شارالاردى پوليتسەيلەر الداعى ۋاقىتتا دا ۇيىمداستىرىپ تۇرماق.
تۇركىستان وبلىسى
