وبلىستىق سانيتارلىق-ەپيدەميولوگيالىق باقىلاۋ دەپارتامەنتىنىڭ ءباسپاسوز قىزمەتى تاراتقان اقپاراتقا قاراعاندا, «قۇرمانعازى» سانيتارلىق-كارانتيندىك بەكەتى 2020 جىلعى 5 ناۋرىزدان بەرى جۇمىس ىستەيدى. مۇندا «قۇرمانعازى» اۆتووتكەلى ارقىلى ەل اۋماعىنا وتكەن ازاماتتارعا كۇن سايىن مونيتورينگ جۇرگىزىلىپ وتىر.
«بىلتىر اتالعان بەكەتتەن 46 466 ادام, ونىڭ ىشىندە 6 334 جولاۋشى, 40 132 جۇرگىزۋشى ءوتتى. ونىڭ ىشىندە پتر-تەست ادىسىمەن 14 ادامنان (8 جولاۋشى, 6 جۇرگىزۋشى) كوروناۆيرۋس ينفەكتسياسىنىڭ وڭ ناتيجەسى انىقتالدى. ال, بيىلعى قاڭتاردان بەرى ەل اۋماعىنا 49 155 ادام, ونىڭ ىشىندە 8324 جاياۋ جۇرگىنشى, 40831 جۇرگىزۋشى كەلدى. انىقتاماسى جوق شەتەلدىڭ 148 ازاماتىنا شەكارادان وتۋگە تىيىم سالىندى. سونداي-اق, انىقتاماسىز كەلگەن 3 233 قازاقستان ازاماتىنا COVID-19 ينفەكتسياسىنا قارسى پتر-تەستىلەۋ جۇرگىزىلدى. ونىڭ ناتيجەسىندە 52 ازاماتتان (49 جۇرگىزۋشى, 3 جولاۋشى) قاۋىپتى ۆيرۋستىڭ بەلگىسى تابىلدى» دەپ حابارلادى دەپارتامەنتتىڭ ءباسپاسوز قىزمەتى.
ەسكە سالا كەتەلىك, بۇعان دەيىن اتىراۋعا رەسەيدەن كەلگەن 54 قازاقستاندىقتان كوروناۆيرۋس انىقتالعانىن جازعان ەدىك.
