تاراپتار قازاقستاندا كونتسەرن شىعاراتىن اسكەري جانە ازاماتتىق اۋە كەمەلەرىنە قىزمەت كورسەتەتىن جانە جوندەيتىن سەرتيفيكاتتالعان ورتالىق قۇرۋ جوباسىن ىسكە اسىرۋ ماسەلەسىن تالقىلادى.
كەلىسسوزدەر بارىسىندا «عالام بك» جشس بىرلەسكەن كاسىپورنىنىڭ ءونىمىن Airbus وندىرىستىك تىزبەگىنە قوسۋ, سونداي-اق كونتسەرن ۇشاقتارىن ءوندىرۋ ءۇشىن قازاقستاندىق شيكىزاتتى جەتكىزۋ كولەمىن ۇلعايتۋ پەرسپەكتيۆالارىنا ەرەكشە نازار اۋدارىلدى.
قازىرگى تاڭدا قازاقستان Airbus-پەن بىرلەسىپ «ەۆروكوپتەر قازاقستان ينجينيرينگ» جشس, «قازاقستاندىق اۆياتسيالىق يندۋستريا» جشس جانە «عالام بك» جشس بازاسىندا بىرلەسكەن جوبالاردى ىسكە اسىرىپ جاتىر.
2021 جىلعى 1 قىركۇيەكتە قازاقستان قورعانىس مينيسترلىگىنىڭ قاجەتتىلىكتەرى ءۇشىن جۇك كوتەرگىشتىگى جوعارى ەكى Airbus ا400م اسكەري-كولىك ۇشاعىن ساتىپ الۋعا كەلىسىمشارتقا قول قويىلدى. ۇشاق اسكەري, ازاماتتىق گۋمانيتارلىق ميسسيالار اياسىندا اۋە تاسىمالىن جۇزەگە اسىرا الادى, توتەنشە جاعدايلاردا جەدەل ءىس-قيمىل جاساۋدا ءتيىمدى.
Airbus ا400م جەتكىزۋ كەلىسىمشارتى قىزمەتكەرلەردى وقىتۋ جانە تەحنيكالىق قولداۋدى ۇيىمداستىرۋ بويىنشا قىزمەتتەر پاكەتىن قامتيدى. العاشقى اۋە كەمەسىن 2024 جىلى جەتكىزۋ كوزدەلگەن.
كەزدەسۋگە يندۋستريا جانە ينفراقۇرىلىمدىق دامۋ ءمينيسترى بەيبىت اتامقۇلوۆ, قورعانىس ءمينيسترى مۇرات بەكتانوۆ جانە ت. ب. قاتىستى.
