ەلوردادا بالالار مەن جاسوسپىرىمدەرگە ارنالعان 11 سپورت مەكتەبى جۇمىس ىستەيدى. قازىرگى تاڭدا 73 بولىمشەدە 8032 بالا سپورتپەن تەگىن نەگىزدە شۇعىلدانادى. ونىڭ ىشىندە وليمپيادالىق, وليمپيادالىق ەمەس, ۇلتتىق جانە مۇمكىندىگى شەكتەۋلى جاندارعا ارنالعان سپورت تۇرلەرى بار.
سپورت مەكتەپتەرىنە قابىلداۋ ءار جىلدىڭ قىركۇيەك ايىنان قازان ايىنا دەيىن جۇزەگە اسادى. اتا-انالار الدىمەن بالالارى باراتىن سپورت مەكتەبى مەن سپورت ءتۇرىن تاڭدايدى. ءوتىنىش جازىپ, بالا دەنساۋلىعىنا سپورتپەن اينالىسۋعا ەش كەدەرگى جوق ەكەنى تۋرالى دارىگەر انىقتاماسى وسى قۇجاتتاردى تاپسىرعان سوڭ ىرىكتەۋگە شاقىرىلادى. بەلگىلەنگەن نورماتيۆتەردى ورىنداعان بالالار ىرىكتەۋ نەگىزىندە سپورت مەكتەپتەرىنە قابىلدانادى. بالالار مەن جاسوسپىرىمدەرگە ارنالعان سپورت مەكتەپتەرى مەن وليمپيادالىق رەزەرتەردى دايىندايتىن سپورت مەكتەپتەرىندە بالالاردى بىلىكتىلىگى جوعارى جاتتىقتىرۋشىلار, حالىقارالىق دارەجەدەگى سپورت شەبەرلەرى جاتتىقتىرادى.
سونداي-اق مۇمكىندىگى شەكتەۋلى سپورتشىلار ءۇشىن جاتتىعۋ زالى مەن ءۇيى اراسىندا قاتىنايتىن ارنايى ينۆا تاكسيلەر قاراستىرىلعان. قوسىمشا سۇراقتار بويىنشا 55-67-53, 55-75-61 نومەرلەرىنە حابارلاسۋعا بولادى.
