كەزدەسۋ بارىسىندا تاراپتار قازاقستان-موڭعوليا ىنتىماقتاستىعىنىڭ جاعدايى مەن دامۋ پەرسپەكتيۆالارىن تالقىلادى.
ءمينيستردىڭ ءبىرىنشى ورىنباسارى ەكى ەل اراسىنداعى ساياسي ديالوگتىڭ, ساۋدا-ەكونوميكالىق, ينۆەستيتسيالىق بايلانىستاردىڭ جانە گۋمانيتارلىق قاتىناستىڭ ۇدەمەلى دامۋىن اتاپ ءوتتى. موڭعول تاراپىنا قازاقستاننىڭ بۇۇ, شىۇ, اوسشك جانە باسقا دا حالىقارالىق ۇيىمدار شەڭبەرىندەگى باستاماسىنا قولداۋ كورسەتكەنى ءۇشىن ريزاشىلىعىن ءبىلدىردى.
تاراپتار اعىمداعى جىلى قازاقستان مەن موڭعوليا اراسىنداعى ساۋدا-ەكونوميكالىق ىنتىماقتاستىقتىڭ وڭ قارقىنىنا كوڭىلى تولتانىن اتاپ ءوتتى جانە ەكىجاقتى ۇكىمەتارالىق كوميسسيا جۇمىسىنىڭ تيىمدىلىگىن ودان ءارى ارتتىرۋعا كەلىستى.
كەزدەسۋ سوڭىندا ش.نۇرىشەۆ موڭعوليا ەلشىسىنە قازاقستان رەسپۋبليكاسى پرەمەر-ءمينيسترىنىڭ ورىنباسارى – سىرتقى ىستەر ءمينيسترى مۇحتار تىلەۋبەردى اتىنان قۇرمەت گراموتاسىن تابىستاپ, ەكىجاقتى ىنتىماقتاستىقتى دامىتۋعا ۇلەس قوسقان جەمىستى قىزمەتى ءۇشىن العىس ءبىلدىردى.
