ماماننىڭ ايتۋىنشا, ونلاين ساناق قازىرگى پاندەميا جاعدايىندا ساناق جۇرگىزۋدىڭ ەڭ قاۋىپسىز جولى بولىپ وتىر.
«پاندەميا كەزىندە ينتەرۆيۋەرمەن بايلانىس ورناتپاۋعا مۇمكىندىگىڭىز بولادى. بۇل ۆيرۋس جۇقتىرۋ تاۋەكەلىن بارىنشا ازايتادى. دەگەنمەن ءبىزدىڭ قىزمەتكەرلەرىمىز تولىقتاي ۆاكتسينا العان», دەيدى ج.احمەتوۆا.
سونىمەن قاار ونلاين ساناق رەسپوندەنتتىڭ ۋاقىتىن ۇنەمدەيدى. سەبەبى كەز كەلگەن ۋاقىتتا تولتىرا الادى, سونىمەن قاتار ءۇزىلىس جاساپ, كەيىن جالعاستىرا الادى.
«ەڭ باستىسى ءار ادام بىرگە تۇراتىن وتباسى مۇشەلەرى ءۇشىن دە ساناق پاراعىن تولتىرۋى كەرەك. سەبەبى وتباسىنىڭ ءار مۇشەسى جەكە-جەكە تولتىراتىن بولسا, ولاردىڭ ارقايسىنىڭ جاۋاپ پاراعى ءبىر-ءبىر ءۇي شارۋاشىلىعى بولىپ ەسەپتەلىپ كەتەدى. سوندىقتان ءبىر ۇيدەن ءبىر ادام ءوزى جانە باسقالارى ءۇشىن دە تولتىرعانى ءجون», دەدى مامان zakon.kz-كە بەرگەن سۇحباتىندا.
ايتا كەتەيىك, ونلاين ساناق sanaq.gov.kz سايتىندا 15 قازانعا دەيىن جالعاسادى.
