1938 جىلدىڭ 27 جەلتوقسانى كۇنى كسرو جوعارعى كەڭەسى ءتورالقاسىنىڭ شەشىمىنە سايكەس كەڭەستەر وداعىندا سوتسياليستىك ەڭبەك ەرى اتاعى بەكىتىلگەن. ءدال وسى كەزەڭنەن توقسانىنشى جىلدارعا دەيىنگى ەلۋ جىلدان استام ۋاقىت ارالىعىندا كەڭەستەر وداعىنداعى بۇل جوعارى مەملەكەتتىك ماراپاتپەن نەبارى 1650 قازاقستاندىق ماراپاتتالعان. ونى قازاقستاننان ەڭ سوڭعى العان ادام – قازاقتىڭ بۇلبۇل ءانشىسى – بيبىگۇل تولەگەنوۆا. ءيا, جوعارىداعى دەرەكتەر سوتسياليستىك ەڭبەك ەرى اتاعى كەز كەلگەننىڭ قانجىعاسىندا كەتەتىن, كەز كەلگەن ادام وپ-وڭاي قالپاقپەن سوعىپ الا قوياتىن اتاق ەمەس ەكەنىن كورسەتەدى.
1938 جىلدىڭ 27 جەلتوقسانى كۇنى كسرو جوعارعى كەڭەسى ءتورالقاسىنىڭ شەشىمىنە سايكەس كەڭەستەر وداعىندا سوتسياليستىك ەڭبەك ەرى اتاعى بەكىتىلگەن. ءدال وسى كەزەڭنەن توقسانىنشى جىلدارعا دەيىنگى ەلۋ جىلدان استام ۋاقىت ارالىعىندا كەڭەستەر وداعىنداعى بۇل جوعارى مەملەكەتتىك ماراپاتپەن نەبارى 1650 قازاقستاندىق ماراپاتتالعان. ونى قازاقستاننان ەڭ سوڭعى العان ادام – قازاقتىڭ بۇلبۇل ءانشىسى – بيبىگۇل تولەگەنوۆا. ءيا, جوعارىداعى دەرەكتەر سوتسياليستىك ەڭبەك ەرى اتاعى كەز كەلگەننىڭ قانجىعاسىندا كەتەتىن, كەز كەلگەن ادام وپ-وڭاي قالپاقپەن سوعىپ الا قوياتىن اتاق ەمەس ەكەنىن كورسەتەدى.
وسىنداي بىرەگەي اتاق يەسى ورال وبلىسىندا وتىز جىلدان استام ۋاقىت بويى ورال, چاپاەۆ جانە فۋرمانوۆ (جالپاقتال) اۋداندىق پارتيا كوميتەتتەرىنىڭ ءبىرىنشى حاتشىسى قىزمەتىن اتقارا ءجۇرىپ, اقجايىق وڭىرىندە اتى اڭىزعا اينالىپ كەتكەن ازامات باسشى – كەنجەبەك مەڭداليەۆ.
وتكەن اپتادا قازتالوۆ اۋدانىنا قاراستى جالپاقتال وڭىرىندە سوتسياليستىك ەڭبەك ەرى كەنجەبەك مەڭداليەۆتىڭ تۋعانىنا 100 جىل تولۋىنا وراي وعان ەسكەرتكىش ءمۇسىن سالتاناتتى جاعدايدا اشىلدى. كەنجەبەك اعامىزدىڭ تاۋ قوزعالسا قوزعالمايتىن نار تۇلعاسى, قايتالانباس ازاماتتىق جانە باسشىلىق ءبىتىم-بولمىسى ءجونىندە كەزىندە قازاقتىڭ داۋىلپاز اقىنى تايىر جاروكوۆ تا شەكسىز ريزاشىلىق سەزىممەن قالام تەربەگەن ەكەن. ال, جالپاقتال ءوڭىرىنىڭ تۇرعىندارى ول كىسىنىڭ ادامدارعا وتە جاقىن بولعانىن, ولاردىڭ مۇڭ-مۇقتاجدارىن بولىسۋگە ءازىر تۇرعانىن ءالى كۇنگە دەيىن سۇيسىنە ايتۋدان تانار ەمەس.
دىنمۇحامەد قوناەۆتىڭ دا ءوزىنىڭ «ءوتتى داۋرەن وسىنداي» اتتى كىتابىندا كەنجەبەك مەڭداليەۆتىڭ ەسىمىن رەسپۋبليكاداعى ەڭ وزىق ون جەتى اۋپارتكومنىڭ ءبىرىنشى حاتشىلارى اراسىندا ىلتيپاتپەن اتاۋى تەكتەن-تەك بولماسا كەرەك. كەڭەستىك كەزەڭدە بەلگىلى ءبىر وڭىردە پارتيا باسشىلىعىندا بولعاندار قىزمەتىنەن كەتكەننەن كەيىن كوپ جاعدايلاردا ءوزى باسشىلىق جاساعان وڭىردەن وزگە جاققا, وبلىس, رەسپۋبليكا ورتالىقتارىنا قونىس اۋدارىپ وتىرعان. ال ك.مەڭداليەۆ زەينەتكە شىققاننان كەيىن دە ەل-جۇرتتىڭ ورتاسىندا, ءوزى باسقارعان فۋرمانوۆ اۋدانىنىڭ ورتالىعىندا تۇراقتاپ تۇرىپ قالا بەرگەن. ءبىر اتاپ وتەرلىگى – ول بارلىق قۇرمەتتى ەل-جۇرتتان زەينەت دەمالىسىنا شىققاننان كەيىن كوبىرەك كورگەن.
تەمىر قۇسايىن,
«ەگەمەن قازاقستان».
باتىس قازاقستان وبلىسى,
قازتالوۆ اۋدانى,
جالپاقتال كەنتى.
–––––––––––
سۋرەتتە: جالپاقتال كەنتىندە سوتسياليستىك ەڭبەك ەرى كەنجەبەك مەڭداليەۆكە ورناتىلعان ەسكەرتكىش ءمۇسىن.
