قوعام • 01 قىركۇيەك، 2021

كۇزگى اسكەرگە شاقىرۋ باستالدى

863 رەت كورسەتىلدى

بۇگىن، ءبىرىنشى قىركۇيەكتە اسكەرگە شاقىرۋ ناۋقانى باستالدى. ول وسى جىلدىڭ سوڭىنا دەيىن جالعاسادى. وسى ۋاقىت ىشىندە قارۋلى كۇشتەردىڭ، باسقا دا اسكەرلەر مەن اسكەري قۇرالىمدارىنىڭ قاتارىن 18-27 جاس ارالىعىنداعى ون جەتى مىڭعا جۋىق جاس ازامات تولىقتىرادى، دەپ حابارلايدى Egemen.kz.

جەرگىلىكتى اتقارۋشى ورگاندار «اسكەري قىزمەت جانە اسكەري قىزمەتشىلەردىڭ مارتەبەسى تۋرالى» قر زاڭىنا سايكەس ازاماتتاردى مەرزىمدى اسكەري قىزمەتكە شاقىرۋدى ۇيىمداستىرىپ، قامتاماسىز ەتەدى.

اسكەرگە الىنعان كۇننەن باستاپ 12 اي قىزمەت اتقارعان اسكەري قىزمەتشىلەردى زاپاسقا شىعارۋ دا جوسپارلى تارتىپپەن جۇرگىزىلەدى. ەكىنشى جىل قاتارىنان اسكەرگە شاقىرۋ ناۋقانى پاندەميا جاعدايىندا وتۋدە. كوروناۆيرۋستى جۇقتىرۋ قاۋپىن ازايتۋ ءۇشىن اسكەرگە شاقىرىلۋشىلاردى حاباردار ەتۋ تسيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگىنىڭ 1414 قىزمەتىمەن SMS-حابارلامالار جىبەرۋ ارقىلى جۇزەگە اسىرىلادى.

ۆيرۋستىق ينفەكتسيادان قوسىمشا قورعانىس پتر-تەكسەرۋ بولىپ تابىلادى. اسكەرگە شاقىرىلۋشىلاردى ەكى رەت تەكسەرەدى. اسكەرگە شاقىرۋ كەزىندە جيناۋ پۋنكتتەرىندە جانە اسكەري بولىمدەرگە جاڭا تولىقتىرۋلار كەلگەننەن كەيىن.

«بارلىق سۇراقتار بويىنشا ازاماتتار ەلەكتروندىق پوشتا نەمەسە قورعانىس ىستەرى جونىندەگى دەپارتامەنتتەردىڭ الەۋمەتتىك جەلىلەردەگى رەسمي اككاۋنتتارى ارقىلى حابارلاسا الادى. سىبايلاس جەمقورلىق كورىنىستەرى تۋرالى حابارلامالار «قارۋلى كۇشتەر – ادالدىق الاڭى» جوبالىق كەڭسەلەرىندە جانە سەنىم تەلەفوندارى ارقىلى قابىلدانادى»، دەپ ءتۇسىندىردى قارۋلى كۇشتەر باس شتابى ۇيىمداستىرۋ-جۇمىلدىرۋ جۇمىستارى دەپارتامەنتىنىڭ باستىعى پولكوۆنيك ساكەن ءجۇسىپوۆ.

سوڭعى جاڭالىقتار

شىمكەنتتە دە LRT سالىنۋى مۇمكىن

ايماقتار • بۇگىن، 12:50

دوللار باعاسى تاعى قىمباتتادى

ەكونوميكا • بۇگىن، 10:32

ۇقساس جاڭالىقتار