BINOM – ارالاس تىلدە وقىتاتىن مەكتەپتەر. مۇندا وقۋ تەگىن: بالالار وقۋعا قر ءبىلىم بەرۋ ۇيىمدارىنىڭ وقۋعا قابىلداۋ ەرەجەلەرى ارقىلى قابىلدانادى.
BINOM شىن مانىندە وقۋشىلارعا قولجەتىمدى جانە ساپالى ءبىلىم بەرۋگە باعىتتالعان. مەكتەپتەردەگى تاربيە ءۇردىسى Amanat كونتسەپتسياسىنا – ۇلى فيلوسوف, شىعىستانۋشى ءابۋ ناسىر ءال-ءفارابيدىڭ ەڭبەكتەرىندە نەگىزدەلگەن قۇرمەت, قامقورلىق, جاۋاپكەرشىلىك, ەڭبەكسۇيگىشتىك, جەتىلدىرۋ قاعيداتىنا سۇيەنەدى.
جوبا وقۋشى ورىندارىنىڭ تاپشىلىعىن ازايتۋعا جانە ءۇش اۋىسىمدى مەكتەپتەردىڭ جۇكتەمەسىن ازايتۋعا باعىتتالعان. بۇگىندە قازاقستان بويىنشا 260 مىڭ وقۋشى, ال ەلوردادا 26 مىڭ بالا مەكتەپتەگى ورىن تاپشىلىعىن سەزىنۋدە.
ءار BINOM مەكتەبىندە 2 اۋىسىمدا 4 مىڭ وقۋشى وقيدى. بيىل نۇر-سۇلتان قالاسىندا ءتورت BINOM مەكتەبىن پايدالانۋعا بەرۋ جوسپارلانۋدا. وسىلايشا 16 مىڭ وقۋشى ورىنمەن قامتىلادى. ءار سىنىپتا 25 وقۋشى وقيدى.
ءاربىر BINOM مەكتەبى – فيزيكا, حيميا, بيولوگيا, نانو جانە بيوتەحنولوگيا بويىنشا 127 كابينەت, جەتىلدىرىلگەن 9 زەرتحاناسى بار 5 قاباتتى عيمارات. سونداي-اق, 100 ورىندىق كينوزال, مۇعالىمدەر مەن بالالارعا ارنالعان كوۆوركينگ-ايماقتار, تەلەستۋديا, ويىن بولمەلەرى, سمارت-سىنىپتار, شىعارماشىلىق ەكسپەريمەنتتەرگە ارنالعان 3D-پرينتەر, روبوتوتەحنيكا كابينەتتەرى, مەتالل جانە اعاش ويۋ شەبەرحانالارى, Speaking Club, TedxBinom جانە ت.ب. ۇيىمداستىرىلعان. اسحانا, مەديتسينالىق پۋنكت جۇمىس ىستەيدى. مەكتەپ كىتاپحاناسىندا 5000-نان استام كىتاپ, سونىڭ ىشىندە قازاقستاندىق جانە شەتەلدىك جازۋشىلاردىڭ, الەمنىڭ ەڭ مىقتى كلاسسيكتەرىنىڭ تانىمال جيناقتارى بار. مەكتەپتە بالالاردى وقىتۋ پروتسەسى ءۇشىن ستاتسيونارلىق كومپيۋتەرلەردەن بولەك نوۋتبۋكتەر دە قاراستىرىلعان.
مەكتەپتەردىڭ تاعى ءبىر ارتىقشىلىعى – ينكليۋزيۆتى ءبىلىم بەرۋ مۇمكىندىگى. BINOM SCHOOL-دا ءبىلىم بەرۋدە ەرەكشە قاجەتتىلىكتەرى بار بالالار ءۇشىن قولايلى وقىتۋ ورتاسى جاسالدى.
ەكى سپورت زالى, اۋلاداعى بىرنەشە الاڭ بالالارعا فۋتبول, ۆولەيبول, باسكەتبول جانە باسقا دا سپورت تۇرلەرىمەن اينالىسۋعا مۇمكىندىك بەرەدى. Work-out ايماعى دا بار.
BINOM SCHOOL-عا مۇعالىمدەردى ىرىكتەۋ Jumys Smart Nation ءىرى ينتەرنەت-پلاتفورماسىندا جۇرگىزىلەدى. بۇل قوسىمشا ەلىمىزدىڭ بارلىق وڭىرىنەن 270 000-نان استام وقىتۋشىنى قامتۋعا جانە ولاردىڭ ىشىنەن ءوز پانىنەن مىقتىلارىن تاڭداۋعا مۇمكىندىك بەرەدى. ەكى كەزەڭدىك كونكۋرستىق ىرىكتەۋدىڭ (تەستىلەۋ جانە اڭگىمەلەسۋ) ناتيجەسىندە ءبىرىنشى BINOM مەكتەبىنە ۇزدىك 300 مۇعالىم قابىلداندى.
بالالاردىڭ قاۋىپسىزدىگىنە ەرەكشە نازار اۋدارىلدى: ءار مەكتەپ بەينەباقىلاۋ كامەرالارىمەن تولىق قامتىلعان (200 دانا). كامەرا «كورمەيتىن» ايماقتار جوق. مەكتەپكە كىرۋ جانە شىعۋ تۋرنيكەتتەرمەن باسقارىلادى. كۇزەت پۋنكتتەرى ۇيىمداستىرىلدى. سونىمەن قاتار مەكتەپ نىسانى انتيتەرروريستىك قورعاۋ قۇرامىنا ەنگىزىلگەن.
BINOM SCHOOL – BI Group يننوۆاتسيالىق قۇرىلىس حولدينگى مەن نۇر-سۇلتان قالاسىنىڭ اكىمدىگى اراسىندا مەملەكەتتىك-جەكەشەلىك ارىپتەستىك تەتىگى ارقىلى ىسكە اسىرىلاتىن ءبىلىم بەرۋ سالاسىنداعى بىرەگەي جوبا.
ەسكە سالا كەتەيىك, بۇعان دەيىن قر پرەمەر-ءمينيسترى اسقار ءماميننىڭ نۇر-سۇلتان قالاسىندا BINOM جانە Quantum STEM School يننوۆاتسيالىق مەكتەپتەرىنىڭ اشىلۋىنا قاتىسقانى جايلى حابارلاعان ەدىك.
