قورعانىس ءمينيسترىنىڭ ءبىرىنشى ورىنباسارى – قازاقستان رەسپۋبليكاسى قارۋلى كۇشتەرى باس شتابىنىڭ باستىعى, گەنەرال-پولكوۆنيك ساكەن جاسۇزاقوۆ بريۋسسەل قالاسىندا ناتو اسكەري كوميتەتىنىڭ جىل سايىنعى وتىرىسىنا قاتىستى.
قورعانىس ءمينيسترىنىڭ ءبىرىنشى ورىنباسارى – قازاقستان رەسپۋبليكاسى قارۋلى كۇشتەرى باس شتابىنىڭ باستىعى, گەنەرال-پولكوۆنيك ساكەن جاسۇزاقوۆ بريۋسسەل قالاسىندا ناتو اسكەري كوميتەتىنىڭ جىل سايىنعى وتىرىسىنا قاتىستى.
كەزدەسۋ ەۋرو-اتلانتيكالىق ارىپتەستىك كەڭەسى ەلدەرى فورماتىندا ناتو-عا مۇشە ەلدەر مەن ارىپتەس ەلدەر باس شتاب باستىقتارىنىڭ دەڭگەيىندە ءوتتى. تاراپتار وتكەن جىل ىشىندەگى ىنتىماقتاستىق ناتيجەسىن جانە «بەيبىتشىلىك جولىنداعى ارىپتەستىك» باعدارلاماسى شەڭبەرىندەگى ءوزارا ءىس-قيمىلدىڭ پەرسپەكتيۆالارىن, سونداي-اق, وڭىرلىك جانە ايماقتىق قاۋىپسىزدىكتىڭ وزەكتى ماسەلەلەرىن تالقىلادى.
– قازاقستان ءبىزدىڭ كوپۆەكتورلى ساياساتىمىزدىڭ ماڭىزدى قۇراۋشىسىنىڭ ءبىرى ءارى ۇلتتىق جانە وڭىرلىك قاۋىپسىزدىك جۇيەسىنە ۇلەس قوساتىن ناتو-مەن ىنتىماقتاستىققا ۇلكەن ءمان بەرەدى, – دەپ ساكەن جاسۇزاقوۆ ناتو اسكەري كەڭەسىنىڭ توراعاسى گەنەرال كنۋد بارتەلسپەن كەزدەسۋ بارىسىندا اتاپ ءوتتى.
كەلىسسوزدەر بارىسىندا تاراپتار اۋعانستاننىڭ تۇراقتى دامۋى ءۇشىن حالىقارالىق قوعامداستىقتىڭ سالىپ وتىرعان كۇش-جىگەرىن تالقىلادى.
قازاقستان قازىرگى ۋاقىتتا اۋعانستانعا گۋمانيتارلىق سالادا جانە ءبىلىم بەرۋ سالاسىندا كومەك كورسەتۋىن جالعاستىرۋدا. جىل سايىن 200 اۋعاندىق ستۋدەنت قازاقستاندا باكالاۆريات باعدارلاماسىمەن ينجەنەر, پەداگوگ, دەنساۋلىق ساقتاۋ, اۋىل شارۋاشىلىعى سالالارى ماماندىقتارى بويىنشا ءبىلىم الۋدا.
بۇدان باسقا, قازاقستان اۋعانستانداعى قاۋىپسىزدىككە قولداۋ كورسەتۋ حالىقارالىق كۇشتەرىنە جەر ۇستىمەن جانە اۋەمەن جۇك تاسىمالداۋ ءۇشىن اۋماعىن ۇسىنىپ وتىر.
سونداي-اق, بريۋسسەل قالاسىنداعى ناتو اسكەري كوميتەتىنىڭ وتىرىسى شەڭبەرىندە قازاقستان قارۋلى كۇشتەرى باس شتابىنىڭ باستىعى باستاعان اسكەري دەلەگاتسيا تۇركيادان جانە ۇلىبريتانيادان كەلگەن ارىپتەستەرىمەن ەكىجاقتى كەزدەسۋلەر وتكىزدى.
گەنەرال-پولكوۆنيك ساكەن جاسۇزاقوۆ قازاقستان قورعانىس مينيسترلىگىنىڭ ارميانىڭ بىتىمگەرشىلىك الەۋەتىنە كوڭىل بولەتىنىن اتاپ ءوتتى. قازاقستان قارۋلى كۇشتەرىنىڭ اسكەري قىزمەتشىلەرى جىل سايىن بىتىمگەرشىلىك وقۋ-جاتتىعۋلارعا قاتىسىپ كەلەدى.
بۇرىن حابارلاعانىمىزداي, «دالا قىرانى-2013» حالىقارالىق وقۋ-جاتتىعۋى قورىتىندىسى بويىنشا ناتو ساراپشىلارى «قازبات» بىتىمگەرشىلىك باتالونىنا جوعارى باعا بەرگەن بولاتىن.
«ەگەمەن-اقپارات».
