ءبىلىم ءمينيسترى تامار گابۋنيا مەكتەپتەردە كۇندىزگى وقۋ باسىمدىققا يە ەكەنىن اتاپ ءوتتى, سونىمەن قاتار ددۇ كۇندىزگى وقۋعا تىيىم سالۋدى سوڭعى كەزەكتە ەنگىزۋدى ۇسىنادى. گرۋزيادا وقۋ جىلى 1 قىركۇيەكتە ەمەس, 15 قىركۇيەكتە باستالادى.
ەگەر ەپيدەميولوگيالىق جاعداي قاۋىپسىز مەكتەپ ورتاسىن قامتاماسىز ەتۋ ءۇشىن جەتكىلىكتى تۇردە تۇراقتالماسا, ارينە, بۇل تۇرعىدا وڭ شەشىم قابىلداۋ مۇمكىن ەمەس, ۆاكتسيناتسيا مارتەبەسى دە ماڭىزدى, - دەدى گابۋنيا.
ال تۇركيادا ۇجىمدىق يممۋنيتتكە قول جەتكىزۋگە از قالدى, بىراق ينفەكتسيا قارقىنى وسۋدە. تۇركيا كۇشەيتىلگەن ۆاكتسيناتسيا اياسىندا COVID-19 جاعدايلارىنىڭ ەڭ جوعارى دەڭگەيىنە جەتتى. تۇرعىنداردىڭ 77%-دان استامى ۆاكتسينانىڭ العاشقى دوزاسىن الدى, ال 59%-ى تولىعىمەن ەگىلدى. وسىعان قاراماستان ۆيرۋس جۇقتىرۋدىڭ جاڭا جاعدايلارى مەن اۋرۋ سالدارىنان كوز جۇمعاندار سانى وسۋدە.
وتكەن اپتادا ىندەتكە شالدىققانداردىڭ كۇندەلىكتى ءوسىمى 20 مىڭ جاعدايعا جەتتى, ال ءولىم سانى 250-دەن استى.
بۇل تۇركياداعى كوروناۆيرۋستىڭ ءۇشىنشى تولقىنىنىڭ ەڭ جوعارى كورسەتكىشتەرى. دەنساۋلىق ساقتاۋ مينيسترلىگىنىڭ مالىمەتىنشە, جانساقتاۋ بولىمىنە جاتقىزۋعا دەيىن الىپ كەلەتىن بۇل ۆيرۋس ەگىلمەگەن ازاماتتار اراسىندا كەڭ تارالۋدا.
