ەرتىس اۋدانى اكىمدىگىنىڭ الدىندا تۇرعان لەنيننىڭ ەسكەرتكىشى اقىرى الىندى. بارەكەلدى دەستىك. بىراق, بىزگە حابارلاسقان اۋدان تۇرعىندارى اڭ-تاڭ. قۋانىشتى كوڭىلدەرى سۋ سەپكەندەي باسىلىپتى. نە بولدى دەسەك, اۋدانعا جولساپارعا بارعاندا ءوزىمىزدىڭ دە كوزىمىز كوردى. كەتكەن لەنيننىڭ ورنىندا... تانك تۇر! ەستىمەگەن ەلدە كوپ دەگەن وسى.
ەرتىس اۋدانى اكىمدىگىنىڭ الدىندا تۇرعان لەنيننىڭ ەسكەرتكىشى اقىرى الىندى. بارەكەلدى دەستىك. بىراق, بىزگە حابارلاسقان اۋدان تۇرعىندارى اڭ-تاڭ. قۋانىشتى كوڭىلدەرى سۋ سەپكەندەي باسىلىپتى. نە بولدى دەسەك, اۋدانعا جولساپارعا بارعاندا ءوزىمىزدىڭ دە كوزىمىز كوردى. كەتكەن لەنيننىڭ ورنىندا... تانك تۇر! ەستىمەگەن ەلدە كوپ دەگەن وسى.
جالپى, بىزدەر ەلدىك رامىزدەر, ەلدىك ماقسات, ەلدىك مۇددە جايلى كوپ ايتامىز, كوپ جازامىز. بۇگىنگى ۇرپاق ءۇشىن پاتريوتتىق سەزىم, وتانسۇيگىشتىك قاسيەتتەر ۇلتتىق رامىزدەردى قۇرمەتتەۋ مەن قادىرلەۋدەن باستالاتىنى بەلگىلى. مىسالى, وبلىستاعى اقسۋ قالاسىنا قاراستى قالالىق باقتا اۋىل-قالادا ورىندارىنان الىنعان ءتۇرلى-ءتۇستى كەيىپتەگى لەنين ەسكەرتكىشتەرى جينالعان. باق ءىشىنەن جاستار مەن جاسوسپىرىمدەر رۋح, ءتالىم-تاربيە الاتىنداي, ولارعا وي سالاتىنداي بۇگىنگى كۇننىڭ ەسكەرتكىش, مۇسىندەرىن ىزدەيسىڭ. ەرتىس اۋىلىنداعى لەنين ەسكەرتكىشى كەلمەسكە كەتتى دەپ جۇرگەندە, ەندى جەتپەگەنى تانك پە ەدى؟!.
فاريدا بىقاي,
«ەگەمەن قازاقستان».
پاۆلودار وبلىسى,
ەرتىس اۋدانى.
