كەزدەسۋدە تەمىر جول اكىمشىلىكتەرىنىڭ وكىلدەرى پاندەميالىق قيىن جاعدايدا تەمىر جول كولىگى ءوزىنىڭ تيىمدىلىگىن كورسەتىپ وتىرعانىن اتاپ ءوتتى. بۇل رەتتە كوروناۆيرۋس ىندەتىنىڭ تارالۋىنان باستاپ كونتەينەرلەرمەن جۇك تاسىمالى كولەمىنىڭ ءوسىمى بايقالادى. قاتىسۋشىلار حالىقارالىق قاتىناستا كونتەينەرلىك پويىزداردى ۇلعايتۋ بويىنشا بىرلەسكەن شارالار قابىلداۋ قاجەتتىگىن اتاپ ءوتتى.
قازاقستان اۋماعىمەن نەگىزگى كونتەينەرلىك مارشرۋتتار قىتاي – ەۋروپا, قىتاي – ورتالىق ازيا ەلدەرى, قىتاي – رەسەي باعىتتارى بويىنشا, سونداي-اق قازاقستان پورتتارى ارقىلى كاۆكاز, پارسى شىعاناعى, تۇركيا جانە باسقا ەلدەر باعىتىندا وتەدى.
– «قتج» ۇك» اق قازاقستان, رەسەي جانە بەلارۋس بكلك ەرق بىرلەسكەن كاسىپورنى تابىستى جۇمىس ىستەپ كەلە جاتقان قىتاي – ەۋروپا – قىتاي باعىتى بويىنشا كونتەينەرلىك تاسىمالداردى دامىتۋعا ەرەكشە ءمان بەرەدى, – دەدى دەلەگاتسيا باسشىسى, ەلىمىزدىڭ كولىك كوميتەتى توراعاسىنىڭ ورىنباسارى جانىبەك تايجانوۆ. – وسى ءدالىز بويىنشا عانا تاسىمالداۋ كولەمى 2020 جىلى 2019 جىلمەن سالىستىرعاندا 65% ءوستى. 2021 جىلدىڭ 7 ايىندا ءوسىم 48%-دى قۇرادى.
ترانسكاسپي حالىقارالىق كولىك باعدارى (تحكب) بويىنشا تاسىمال ءوسىمىن قامتاماسىز ەتۋ ءۇشىن ارنايى تاريفتىك شارتتار ۇسىنىلادى. كونتەينەرلىك تاسىمالدار ءوسىمى نەگىزگى فاكتورلارىنىڭ ءبىرى كەمە قوزعالىسىنىڭ ناقتى كەستەسى بار كاسپيدەگى تۇراقتى فيدەرلىك جەلى بولىپ تابىلسا, بۇل ۆاگونداردىڭ, كونتەينەرلەردىڭ اينالىمىن جانە جەتكىزۋ مەرزىمدەرىن وڭتايلاندىرادى.
شىۇ ەلدەرىمەن جۇك تاسىمالىنىڭ وڭ سەرپىنى بايقالۋدا. 2020 جىلدىڭ قورىتىندىسى بويىنشا ءوسىم 6% قۇرادى. 2021 جىلدىڭ 7 ايىندا شىۇ ەلدەرىمەن جۇك تاسىمالداۋ كولەمى 2020 جىلدىڭ دەڭگەيىندە ساقتالدى.
«قتج» ۇك» اق ورتالىق ازيا, رەسەي جانە قىتاي ەلدەرىنىڭ تەمىر جول اكىمشىلىكتەرىمەن بىرلەسىپ, جۇكتەردى جەتكىزۋ سەنىمدىلىگىن جانە قىزمەت كورسەتۋ ساپاسىن ارتتىرۋ جانە قۇرلىقتاعى دالىزدەردىڭ ينفراقۇرىلىمىن دامىتۋ بويىنشا ءىس-شارالاردى تۇراقتى نەگىزدە جۇرگىزىپ كەلەدى.
قازىرگى ۋاقىتتا دوستىق ستانساسىندا جاڭا كونتەينەرلىك تەرمينالدار سالىنۋدا. دوستىق ستانساسىنان مويىنتى ستانساسىنا دەيىن ينفراقۇرىلىمدى جاڭعىرتۋ باستالدى. جاڭا داربازا – ماقتاارال جانە جەتىگەن – قازىبەك بەك تەمىر جول جەلىلەرىن سالۋ جوسپارلانۋدا.
تەمىر جول اكىمشىلىكتەرىنىڭ وكىلدەرى ينفراقۇرىلىمنىڭ ءوزارا بايلانىسىن دامىتۋ بويىنشا بىرلەسكەن شەشىمدەر قابىلداۋدىڭ ماڭىزدىلىعىن اتاپ ءوتىپ, شىۇ-عا مۇشە مەملەكەتتەر مەن باسقا ەلدەردى بايلانىستىراتىن جاڭا تەمىر جول جەلىلەرىن سالۋ جانە قولدانىستاعى تەمىر جول جەلىلەرىن جاڭعىرتۋ سالاسىنداعى ىنتىماقتاستىقتى كەڭەيتۋ تۋرالى كەلىستى.
