كوروناۆيرۋس • 29 تامىز، 2021

كوروناۆيرۋستان كوز جۇمعاندار كوپ

916 رەت كورسەتىلدى

ءمايىتحانا... بۇل جەردەگى كورىنىستى ايتۋدىڭ ءوزى اۋىر. جاقىنىن جوقتاپ، اقتىق ساپارعا شىعارىپ سالۋدىڭ قامىمەن جۇرگەن قايعىلى جۇرتتىڭ قاراسى ازايماي تۇر. تۇركىستان وبلىستىق پاتولوگيالىق-اناتوميالىق بيۋروسى قىزمەتكەرلەرى پاندەميا باستالعالى ءمايىتتىڭ كوبەيگەنىن ايتۋدا. ويتكەنى مۇندا اتالعان دەرتتەن كوز جۇمعاندار دا جەتكىزىلەدى. ءبىر تاۋلىكتە 30 مايىتكە دەيىن تالداۋ جۇرگىزىلەدى.

تۇركىستان وڭىرىمەن قاتار شىمكەنت قالاسىنىڭ تۇرعىندارىنا دا قىزمەت كورسەتەتىن مەديتسينالىق ۇيىمنىڭ باس دارىگەرى مۇراتحان قوپاباەۆتىڭ ايتۋىنشا ءۇشىنشى مەگاپوليستىڭ دەنساۋلىق ساقتاۋ باسقارماسىنا قاراستى پاتولوگيالىق-اناتوميالىق بيۋرونىڭ جوقتىعىنان مايىتتەردىڭ ءبارى وپەراتسيالىق بيوپسيامەن وسىندا اكەلىنەدى.

بىلتىر كوروناۆيرۋسپەن اۋىر­عان­داردىڭ دەنەسى اشىلماي بەرىلسە، بيىلعى الگوريتمگە بايلانىستى مەكەمە ماماندا­رى COVID-19-بەن اۋىرىپ كوز جۇمعاندار­دىڭ مايىتىنەن باكتەريولوگيالىق اناليزدەر الىپ، ينفەكتسيالىق اۋرۋحاناعا، باكتەريولوگيالىق زەرتحاناعا جىبەرەدى. سانيتارلىق-ەپيدەميولوگيالىق ستان­سا­نىڭ ءوز ەرەجەسى بار، وڭ ناتيجە كورسە­تىل­گەن مايىتتەردى جەرلەۋگە بىرگە بارىپ، ءوز جۇمىستارىن اتقارۋدا. اۋرۋحانالاردا قايتىس بولعانداردىڭ بارلىعى دەرلىك وسىندا جونەلتىلەتىن بولعاندىقتان، باس دارىگەردەن ادامداردىڭ كوۆيدتەن باسقا قانداي اۋرۋلاردان كوبىرەك كوز جۇماتى­نىن سۇراعانبىز. ء«ار ادامنىڭ يممۋندىق جۇيەسى، يممۋنيتەتى السىرەگەن سايىن كەز كەلگەن ينفەكتسياعا ۇشىراۋ قاۋپى جوعارى. سوندىقتان السىرەگەن اعزا كەز كەلگەن ينفەكتسيانى قابىلدايدى. بىزگە تەك قانا كوروناۆيرۋس جۇقتىرعاندار اكەلىنىپ جاتقان جوق. مۇندا مايىتتەر كوبىنە شىمكەنت اۋماعىندا ورانالاسقان وبلىستىق اۋرۋحانالار مەن شىمكەنت قالالىق ەمدەۋ مەكەمەلەرىنەن جەتكىزىلەدى. ولاردىڭ اراسىندا ينسۋلت، يشەميالىق ينسۋلت، گەمورراگيالىق ينسۋلت، ميعا قان كەتۋ سىندى اۋرۋلاردان قايتىس بولعاندار از ەمەس. دەگەنمەن كوروناۆيرۋستان قايتىس بولعاندار كوپ. شىمكەنت «قىزىل ايماقتا» بولعاندىقتان كوروناۆيرۋستىق ينفەكتسيا، وكپە اسقىنۋلارى، نەشە ءتۇرلى بۋللەزدى پنەۆمونيا، ەكىجاقتى، جاپپاي پنەۆمونيا سىندى دياگنوزدارمەن كەلىپ، تىنىس جەتىسپەۋ اۋرۋلارىنان جان تاپسىرعاندار كوپ. بۇرىن بيۋروعا جىلىنا 600-گە جۋىق ءمايىت تۇسەتىن. كوروناۆيرۋستىڭ ورشۋىنە باي­لانىستى ءمايىت سانى 1300-1400-گە دەيىن جەت­­تى. سوندىقتان بۇگىندە ىندەتتەن ساقتانۋ­دىڭ بىردەن-ءبىر جولى ەكپە سالدىرۋ دەر ­ەدىم. جاقىندارىنا شىن جانى اشيتىن ازا­ماتتار كارانتين تالاپتارىن قاتاڭ ساقتاۋى ­قا­جەت»، دەيدى مۇراتحان قوپاباەۆ.

وبلىستىق پاتولوگيالىق-اناتو­ميا­لىق بيۋرودا 13 دارىگەر، 26 ورتا بۋىن لابورانت جانە ءار بولىمشەدە 4-5 ساني­تار جۇمىس ىستەيدى. كوپشىلىك ادەتتە تۋى­سىنىڭ ءمايىتىن تىلدىرمەي الىپ كەتۋگە ۇم­تىلادى. ءتىپتى تىگىلگەن مۇردەنى كور­گەندەر ءبىر مۇشەسىن الىپ قويدى ما دەپ، كۇ­دىگىن دە جاسىرمايدى. بۇل ورايدا مۇرات­حان رىسبەك ۇلى ولاي ىستەۋ مۇم­كىن ەمەستىگىن ايتادى. ء«يا، بىزگە «دەنە مۇشەسىن الىپ قوياسىڭدار» دەپ ايتاتىندار بار. بىراق ول مۇمكىن ەمەس. قايتىس بولعاننان كەيىن كەز كەلگەن ءمايىت اۋرۋحانادا 2 ساعات جاتادى. سوسىن بىزگە الىپ كەلەدى. ويتكەنى دەنەسى جىلى بولادى. مەديتسينا سالاسىندا قىزمەت ەتىپ جۇرگەندەر بىلەدى. قايتىس بولعان كەزدە بىردەن الماسا ول جارامسىز بولادى. ءبىز تەك گيستولوگيا جاساۋ ءۇشىن ءار ورگاننان كىش­كەنە تىلىمدەر الامىز. ءمايىتتىڭ قالعان ورگان­دارىنا تيمەيمىز»، دەيدى باس دارىگەر. وبلىستىق پاتولوگيالىق-انا­توميالىق بيۋرو ءمايىتحانا، لابوراتوريا جانە تەحنيكالىق قىزمەت كورسەتۋ بولىمىنەن تۇرادى. سوندىقتان بۇل جەردى جۇرت ءمايىتحانا دەپ اتاعانمەن، مەكەمە قىزمەتكەرلەرى 60-70 پايىز ءتىرى ادامدارمەن جۇمىس ىستەيدى. ياعني وبلىستىق فتيزيوپۋلمونولوگيا ورتالىعىندا پلەۆريتپەن جاتقاننىڭ ءبارى تالداۋىن وسى وبلىستىق پاتولوگيالىق-اناتوميالىق بيۋروعا اكەلەدى. ولارعا وسىندا قورىتىندى دياگنوز قويىلادى. پلەۆريت، تۋبەركۋلەز اۋرۋى بار-جوعى 2-3 كۇننىڭ ىشىندە انىقتالىپ، ءارى قاراي ناۋقاستارعا ەم-دوم تاعايىندالادى. سونداي-اق قالالىق، وبلىستىق مەكەمەلەردەن وپەراتسيالىق-بيوپسيالىق ماتەريالدار كوپ كەلەدى. ولارعا دا 3-4 كۇننىڭ ىشىندە دياگنوز قويىلىپ، ەم-دوم قابىلداۋ جاعدايى جاسالادى. ء«ار اۋرۋحانادا سوقىرىشەك، ءوت جولدارى الىنعان كەزدە، اسقازان جارا­لارى، ايەلدەردىڭ قيىن جۇكتىلىك كەزەڭ­دەرى دەيدى، سولاردىڭ ءبارى بىزگە كە­لەدى. ءاناليزىن تەكسەرىپ، دياگنوز قويىپ بەرەمىز. سول دياگنوز بويىنشا ماماندار پاتسيەنتتەرىن ەمدەيدى»، دەيدى بيۋرو باسشىسى. مەكەمەدە اپپاراتتىق قۇرىلعىلار جەتكىلىكتى. پاتولوگيالىق-اناتومياعا كەرەكتى مەديتسينالىق تەحنيكانىڭ بار­لىعى بار. ءار 5 جىلدا ماماندار كاسىبي دەڭگەيىن جوعارىلاتىپ تۇرادى. سوڭعى رەت دارىگەرلەر نوۆوسيبيرسكىدە بىلىكتىلىكتەرىن ارتتىرعان. ولاردىڭ قاتارىندا اۋداندىق اۋرۋحانالارداعى پاتولوگواناتومدار دا ءبىر اپتالىق وقۋدى ءتامامداپ، تاجىريبە جيناقتاپ قايتقان.

ايتا كەتەلىك، بەيسەنبىدەگى مالىمەت بو­يىنشا شىمكەنت قالاسىندا ىندەت جۇقتىرعان 260 جاعداي 

(225 سيمپتوممەن، 35 سيمپتومسىز) تىركەلگەن. ونىڭ ىشىندە 103 ادام ينفەكتسيالىق ستاتسيونارعا جاتقىزىلىپ، 157 ادام ءۇي باقىلاۋىنا الىندى. ال تۇركىستان وبلىسى بويىنشا ىندەت جۇقتىرۋدىڭ 77 جاعدايى تىركەلدى.

تۇركىستان وبلىسى

 

سوڭعى جاڭالىقتار

شىڭعىستاۋدىڭ شاكىرى

ادەبيەت • كەشە

جانى ىزگى جۋرناليست

ەگەمەن قازاقستان • كەشە

ۇقساس جاڭالىقتار