الەۋمەتتىك جەلىدە قاراعاندى وبلىسىنىڭ ساران قالاسىنداعى مەكتەپتىڭ بىرىندە ەنگىزىلگەن جاڭاشىلدىق تۋرالى اقپارات تارادى. وندا بەت-الپەتتى تانۋ فۋنكتسياسى بار تۋرنيكەت ورناتىلعان, سونداي-اق اتا-انالار ونى پايدالانعانى ءۇشىن اقى تولەۋگە ءماجبۇر. قاراعاندى وبلىسىنىڭ ءبىلىم باسقارماسى بۇل اقپاراتتى جوققا شىعاردى.
«بۇل فەيك. تۋرنيكەت ادامنىڭ بەت-الپەتىن تانىمايدى, ولار دەنە تەمپەراتۋراسىن ولشەۋگە ارنالعان. اتا-انالار ول ءۇشىن اقشا تولەمەيدى», دەپ حابارلادى ۆەدومستۆودان.
بۇعان دەيىن مۇنداي تۋرنيكەتتەر ءوڭىردىڭ باسقا مەكتەپتەرىندە دە ورناتىلعان. قاراعاندى قالاسىنىڭ №104 مەكتەپ-ليتسەيىندە ورناتىلعان العاشقى تۋرنيكەت تۋرالى اقپارات قاراعاندى وبلىسى اكىمدىگىنىڭ رەسمي سايتىندا جاريالاندى.
قۇرىلعى ءبىر ۋاقىتتا 30 ادامنىڭ دەنە تەمپەراتۋراسىن انىقتاي الادى. ەگەر بىرەۋىنىڭ تەمپەراتۋراسى 37 گرادۋستان جوعارى بولسا, كىرۋگە جول بەرىلمەيدى. دەمەك, قۇرىلعىلار ادامنىڭ بەتىن تاني المايدى.
«اتا-انالاردى جاڭا تۋرنيكەتتەردى پايدالانعانى ءۇشىن اقشا تولەۋگە مىندەتتەيتىنى» تۋرالى اقپارات تا فەيك.
