جارمەڭكە سورەلەرىنە وڭىردەگى 80-نەن استام وندىرۋشىلەردىڭ تاۋارلارى ۇسىنىلدى, ولار 65 توننا سيىر ەتى مەن جىلقى ەتى, 36 مىڭ دانا تاۋىق جۇمىرتقاسى, 20 توننا ۇن مەن ماكارون ونىمدەرى, 15 توننا شۇجىق جانە كونسەرۆى ونىمدەرى, 5 توننا جاڭا بالىق, 5 توننا وسىمدىك مايى, 3 توننا ءسۇت ونىمدەرى, 5 توننا ءتۇرلى سۋسىندار, 2 توننا كونديتەرلىك ونىمدەر اكەلدى.
«جارمەڭكەگە 80-گە جۋىق اگروقۇرىلىم قاتىسادى, ولار استانالىقتارعا ەت, كونسەرۆىلەر, ماي, ىرىمشىكتەر, سۋسىندار, ماكارون جانە باسقا دا ونىمدەردى ولكەمىزدىڭ 12 اۋدانىنان اكەلدى. باتىس قازاقستان وبلىسى - تابيعي, ساپالى, مال شارۋاشىلىعى ونىمدەرىمەن تانىمال ءىرى اگرارلىق ءوڭىر. مۇندا ازىق-ت ۇلىك اسسورتيمەنتىنىڭ ءتۇر-ءتۇرى ۇسىنىلعان, سەبەبى جەرگىلىكتى اۋىلشارۋاشىلىق ونىمدەرى ەلوردا تۇرعىندارى مەن قوناقتارى اراسىندا ۇلكەن سۇرانىسقا يە. جارمەڭكەدەگى باعالار ءداستۇرلى تۇردە نارىقتىق باعادان 10-20%-عا تومەن, بۇل ەلوردا تۇرعىندارى مەن قوناقتارىنا ءونىمدى قولايلى باعامەن ساتىپ الۋعا مۇمكىندىك بەرەدى», دەدى بقو اۋىل شارۋاشىلىعى باسقارماسىنىڭ باسشىسى جاسۇلان حاليۋللين.
قالا تۇرعىندارى تومەن باعالار مەن ۇسىنىلعان ونىمدەردىڭ جوعارى ساپاسىن اتاپ ءوتتى.
«مۇندا بارلىق قاجەتتى ونىمدەر قولايلى باعالارمەن ۇسىنىلعان. ەلوردادا جىل سايىن وسىنداي جارمەڭكەلەر وتكىزىلەتىنىنە وتە قۋانىشتىمىز», دەدى قالا تۇرعىنى اسكەرعازى جۇماعۇلوۆ.
جارمەڭكە كەزىندە بارلىق سانيتارلىق نورمالار مەن كارانتين تالاپتارى ساقتالادى.
ەسكە سالا كەتسەك, نۇر-سۇلتاندا وڭىرلىك اۋىل شارۋاشىلىعى جارمەڭكەلەرىنىڭ ماۋسىمى 31 قازانعا دەيىن جالعاسادى.
