قازاقستان • 28 تامىز، 2021

قازاقستان مەن ۇلىبريتانيانىڭ ىنتىماقتاستىعى نىعايۋدا

62 رەت كورسەتىلدى

سىرتقى ىستەر ءمينيسترىنىڭ ورىنباسارى ەرلان الىمباەۆ ۇلىبريتانيانىڭ قازاقستانداعى جاڭادان تاعايىندالعان ەلشىسى كەتي ليچپەن كەزدەستى، دەپ حابارلايدى Egemen.kz قر ءسىم رەسمي سايتىنا سىلتەمە جاساپ.

قوس تاراپ 2022 جىلى قازاقستان مەن ۇلىبريتانيا اراسىنداعى ديپلوماتيالىق قاتىناستاردىڭ 30 جىلدىق مەرەيتويىن اتاپ وتۋگە بەلسەندى دايىندىقتى، ونىڭ ىشىندە جوعارى دەڭگەيدەگى ساپارلاردى ۇيىمداستىرۋدى تالقىلادى.

بريتاندىق ەلشى نۇر-سۇلتان مەن لوندون اراسىنداعى ىنتىماقتاستىقتى ودان ءارى نىعايتۋعا باعىتتالعان بىرلەسكەن جۇمىسقا كىرىسۋگە نيەت ءبىلدىردى.

كەزدەسۋ بارىسىندا ەكى ەل اراسىنداعى ستراتەگيالىق ارىپتەستىك پەن ىنتىماقتاستىق تۋرالى كەلىسىمگە، پاندەميادان كەيىنگى كەزەڭدە ساۋدا-ينۆەستيتسيالىق بايلانىستاردى نىعايتۋعا، پارلامەنتارالىق ديالوگتى تەرەڭدەتۋگە، سونداي-اق ەكى ەل اراسىنداعى مادەني-گۋمانيتارلىق ىنتىماقتاستىقتى كەڭەيتۋگە ەرەكشە نازار اۋدارىلدى.

حالىقارالىق كۇن ءتارتىبىن تالقىلاۋ شەڭبەرىندە تاراپتار 2021 جىلعى قاراشادا گلازگو قالاسىندا وتەتىن سور-26 كليماتتىڭ وزگەرۋى ماسەلەلەرى جونىندەگى كونفەرەنتسياعا قازاقستاندىق دەلەگاتسيانىڭ قاتىسۋىن دا تالقىلادى.

سوڭعى جاڭالىقتار

شىمكەنتتە دە LRT سالىنۋى مۇمكىن

ايماقتار • بۇگىن، 12:50

دوللار باعاسى تاعى قىمباتتادى

ەكونوميكا • بۇگىن، 10:32

ۇقساس جاڭالىقتار