23 قاڭتار، 2014

تاەكۆوندو: استانا تورىندە - تاتامي شەبەرلەرى

154 رەت كورسەتىلدى

Taekvondo-23.01

استانادا كەشەدەن بەرى وڭتۇستىك كورەيادان كەلگەن تاتامي شەبەرلەرى ونەر كورسەتىپ جاتىر. بۇل تۋرالى egemen.kz ءتىلشىسى حابارلادى.

كەشە تاڭعى شىق ەلىنىڭ اتاقتى سپورتشىلارى «داۋلەت» سپورت كەشەنىندە قازاقستاندىق جاس تاەكۆوندوشىلارعا جەكپە-جەكتىڭ بارلىق قىر-سىرىن كورسەتتى. وسى جەردە سپورتتىڭ وسى ءتۇرىن جانىنا سەرىك ەتكەن وتانداستارىمىز دا ءوز ونەرلەرىن ورتاعا سالىپ، جۇرتشىلىقتىڭ ىستىق ىقىلاسىنا بولەندى. وسىدان كەيىن دۇنيەجۇزىلىك تاەكۆوندو فەدەراتسياسىنىڭ پرەزيدەنتى چجو چجونگ ۆون ەلىمىزدە سپورتتىڭ وسى ءتۇرىن دامىتۋعا قوسقان ۇلەسى ءۇشىن بەيجىڭ وليمپياداسىنىڭ قولا جۇلدەگەرى ارمان شىلمانوۆ پەن باسقا دا ازاماتتارعا ارنايى ديپلومدار تابىس ەتتى.

وسى كۇنى سپورتتىق جەكپە-جەك جانە كۇش قولدانىلاتىن سپورت تۇرلەرى كونفەدەراتسياسى توراعاسى تيمۋر ق ۇلىباەۆ دۇنيەجۇزىلىك تاەكۆوندو فەدەراتسياسىنىڭ پرەزيدەنتى چجو چجونگ ۆومەن كەزدەستى. وندا قازاقستاندىق تاراپ بيىل حالىقارالىق تاەكۆوندو فەدەراتسياسىنىڭ (WTF) تۇجىرىمى بويىنشا گران-پري سەرياسىنىڭ الەمدىك ءتۋرنيرىن، ال  2017 جىلى «EXPO-2017» حالىقارالىق كورمەسى كەزىندە الەم چەمپيوناتىن وتكىزۋگە دايىن ەكەنىن ايتتى.

بۇگىن استانادا كورەيالىق تاەكۆوندوشىلار «حان شاتىر» ويىن-ساۋىق كەشەنىندە تاعى دا كوپشىلىككە شەبەرلىكتەرىن كورسەتەدى. شارا ساعات 19.00-دە باستالادى.

داستان كەنجالين.

دەرەككوز: قازاقستان تاەكۆوندو فەدەراتسياسىنىڭ ءباسپاسوز حاتشىسى نازەركە سۇلتانبەك.

سوڭعى جاڭالىقتار

پاگانيني

ونەر • كەشە

وتىز جىلدىققا وي قورىتقان

قازاقستان • كەشە

ۇقساس جاڭالىقتار