27 تامىز، 2021

«قازاقستان تەمىر جولى» مالىمدەمە جاسادى

192 رەت كورسەتىلدى

«قازاقستان تەمىر جولى» اق ءباسپاسوز قىزمەتى جامبىل بولىمشەسى ۇشبۇلاق-اقشولاق ارالىعىنداعى تج بويىنشا 2021 جىلعى 27 تامىز ساعات 12:00-دەگى جاعداي بويىنشا اقپاراتتى تاراتتى، دەپ حابارلايدى Egemen.kz.

2021 جىلعى 26 تامىزدا تاراز - شۋ ۋچاسكەسى ۇشبۇلاق-اقشولاق ارالىعىنىڭ ەكى جولى دا بارلىق پويىزدىڭ قوزعالىسى ءۇشىن ساعات 20:10-دا جابىلدى.

– بۇگىن ساعات 08-00-دەن 09-00-گە دەيىنگى كەزەڭدە نود، نجس باسشىلارى ينفراقۇرىلىمعا كوميسسيالىق تەكسەرۋ جۇرگىزدى، ونىڭ بارىسىندا جولدىڭ، بايلانىس جەلىسىنىڭ ب ۇلىنگەنى انىقتالدى. اقاۋ 11.00-دە جويىلدى. قازىر ينفراقۇرىلىم پويىزداردىڭ قوزعالىسىنا تولىقتاي دايىن، – دەلىنگەن حابارلامادا.

«قازاقستان تەمىر جولى» اق-دا باسقارما توراعاسى نۇرلان ساۋرانباەۆتىڭ باسشىلىعىمەن شتاب ۇيىمداستىرىلدى. تج ورنىندا نود (تەمىر جول بولىمشەسىنىڭ باستىعى) جانە «جولاۋشىلار تاسىمالى» اق باس ديرەكتورىنىڭ ورىنباسارى ي.بەسۆەردىڭ قاتىسۋىمەن جەدەل شتابتار قۇرىلدى.

– 9956 جولاۋشىسى بار 19 جولاۋشىلار پويىزى كىدىرىپ تۇرعان بولاتىن. ونىڭ ىشىندەگى 2198 جولاۋشى تاراز-اقشولاق ستانتسيالارى ارالىعىنا اۆتوبۋستارمەن جونەلتىلدى. 531 ادام وزدەرى ەرىكتى تۇردە كەتتى. اۆتوبۋسپەن جۇرگەندە تاراز-اقشولاق ستانتسيالارىنىڭ اراسى 41 شاقىرىم، جولعا شامامەن 40 مينۋت ۋاقىت كەتەدى، – دەلىنگەن حابارلامادا.

كومپانيانىڭ حابارلاۋىنشا، ۆوكزالدار مەن پويىزداردا ءتۇسىندىرۋ جۇمىستارى جۇرگىزىلىپ جاتىر.

– جول ءجۇرۋ قۇجاتتارىن قايتارۋ جانە پويىزداردىڭ كەشىگۋى ءۇشىن وتەماقى بەلگىلەنگەن تارتىپپەن جۇرگىزىلەدى. قازىرگى ۋاقىتتا 2،5 ملن تەڭگە سوماسىنا 1048 جول ءجۇرۋ قۇجاتتارىن قايتارۋ راسىمدەلدى. كۇتپەگەن جاعدايلار تۋىنداعان جاعدايدا جەدەل ارەكەت ەتۋ ءۇشىن ينفراقۇرىلىم قىزمەتكەرلەرىنىڭ ءموبيلدى بريگادالارى، سونىمەن قاتار ەكى ءورت ءسوندىرۋ پويىزى دايىن تۇر ء(بىرىنشىسى وقيعا ورنىنان 15 شاقىرىم جەردە، ەكىنشىسى تۇركسىب (لۋگوۆايا) ستانتسياسىندا)، – دەلىنگەن تاراتىلعان اقپاراتتا.

سوڭعى جاڭالىقتار

تاعى 1650 قازاقستاندىق ىندەت جۇقتىردى

كوروناۆيرۋس • بۇگىن، 09:00

سوفيادان ولجالى ورالدى

سپورت • بۇگىن، 08:40

جاس تەننيسشىلەر جارادى

تەننيس • بۇگىن، 08:32

تۇتىنۋشى قۇقىعىن قورعايدى

قازاقستان • بۇگىن، 08:27

ۇقساس جاڭالىقتار