م.تىلەۋبەردى قازاقستاننىڭ يادرولىق سىناقتارعا تىيىم سالۋ رەجيمىن نىعايتۋ ساياساتىنا, يادرولىق قارۋدان ازات الەم قۇرۋعا جانە يادرولىق سىناقتارعا جان-جاقتى تىيىم سالۋ تۋرالى شارتتىڭ تەز ارادا كۇشىنە ەنۋىنە بەرىك ۇستانىمىن راستادى.
ءوز كەزەگىندە ر.فلويد ۇيىم قىزمەتىنە قولداۋ كورسەتكەنى ءۇشىن العىسىن ءبىلدىرىپ, قازاقستاننىڭ يادرولىق قارۋسىزدانۋ سالاسىنداعى ەرەكشە ءرولىن اتاپ ءوتتى. شارتقا قاتىسۋشى ەلدەرمەن بىرگە يادرولىق قارۋسىز الەم ورناتۋ جونىندەگى ماقساتقا قول جەتكىزۋ تۋرالى ءۇمىتىن ءبىلدىردى.
سونىمەن قاتار تاراپتار يادرولىق سىناقتار مەن جەرگىلىكتى ينسپەكتسيالارعا مونيتورينگ جۇرگىزەتىن حالىقارالىق ستانتسيا جەلىسىنىڭ جۇمىسىن نىعايتۋدى تالقىلادى.
كەزدەسۋ سوڭىندا بىرلەسكەن مالىمدەمە قابىلدانىپ, تاراپتار يادرولىق قارۋسىزدانۋ مەن تاراتپاۋعا بەيىلدىلىگىن راستادى. وندا سونداي-اق بارلىق مەملەكەتتە يادرولىق سىناق جۇرگىزۋگە ءموراتوريدى ساقتاۋدى جالعاستىرۋ, حالىقارالىق بەيبىتشىلىك پەن قاۋىپسىزدىكتى قولداۋعا باعىتتالعان يادرولىق سىناقتارعا جان-جاقتى تىيىم سالۋ تۋرالى شارتقا قول قويۋ جانە/نەمەسە راتيفيكاتسيالاۋعا شاقىرۋ قامتىلعان.
«اتقارۋشى حاتشىنىڭ العاشقى رەسمي ساپارىن قازاقستاننان باستاۋىنىڭ جانە جابىلۋىنىڭ 30 جىلدىعى قارساڭىندا بۇرىنعى سەمەي يادرولىق پوليگونىنا بارۋىنىڭ سيمۆولدىق ءمانى بار. بۇل سونداي-اق الداعى 29 تامىزدا يادرولىق سىناقتارعا قارسى حالىقارالىق كۇنىمەن جانە ورتالىق ازيادا يادرولىق قارۋدان ازات ايماق قۇرىلۋىنىڭ 15 جىلدىعىمەن تۇسپا-تۇس كەلەدى», دەپ جازادى ءسىم ءباسپاسوز قىزمەتى.
