جامبىل وبلىسىنداعى كاسىپكەرلەر پالاتاسىنىڭ ديرەكتورى ەركىن اتىمتاەۆ قازىر جارىلىس بولعان جەرگە بارىپ, كاسىپكەرلىك نىسانداردى ارالاپ ءجۇر. ونىڭ ايتۋىنشا, ازىرگە قانشا بيزنەس زارداپ شەككەنى بەلگىسىز جانە جەدەل جەلى ارقىلى حابارلاسىپ جاتقاندار بار. الدىن الا دەرەكتەر بويىنشا 11 بيزنەس سۋبەكتى زارداپ شەككەن.
«قازىر ءتىزىم جاسالىپ جاتىر. زارداپ شەككەن بيزنەس سۋبەكتىلەرى تۋرالى اقپارات وقيعا ورنى تولىق تالداعاننان كەيىن قوسىمشا حابارلانادى. كاسىپكەرلەر ءۇشىن جەدەل جەلى اشىلدى. ولار 109, +7(7262)513525 نومىرىنە جانە ۇلتتىق پالاتانىڭ 1432 كول-ورتالىعىنا حابارلاسا الادى», دەدى ەركىن اتىمتاەۆ.
جامبىل وبلىسىنىڭ بايزاق اۋدانىنداعى اسكەري قويماداعى جارىلىستان زارداپ شەككەن بيزنەس سۋبەكتىلەرىنىڭ اراسىندا ءدامحانا, جانار-جاعارماي ستانتسياسى, دۇكەن, اۆتوكەمپينگ جانە باسقا نىساندار بار.
جامبىل وبلىسى اكىمىنىڭ باسشىلىعىمەن جەدەل شتاب جۇمىسى ۇيىمداستىرىلدى. شتاب قۇرامىندا وبلىستىڭ كاسىپكەرلەر پالاتاسىنىڭ وكىلدەرى دە بار.
