ەكولوگيالىق ءبىلىم بەرۋدى دامىتۋداعى ماڭىزدى ماسەلەلەردىڭ ءبىرى – وقۋ ۇردىسىنە ەكولوگيا تاقىرىبىنداعى ماتەريالدى بىرىكتىرۋ. كومپانيانىڭ باسقارۋشى ديرەكتورى وكم وپەراتورى قايراتعالي حايرۋللا «ەكولوگيالىق ءبىلىمدى وقۋ جۇيەسىنە ينتەگراتسيالاۋ» اتتى العاشقى ادىستەمەلىك قۇرالدى تانىستىردى. مۇنداي قۇرالدى مەكتەپ باعدارلاماسىنا ەنگىزۋ وسكەلەڭ ۇرپاققا ەكولوگيالىق مادەنيەتتى وڭتايلى سىڭىرۋگە مۇمكىندىك بەرەدى. اتالعان جوبادا بارلىق مەكتەپ پەن مەكتەپكە دەيىنگى پاندەر قامتىلىپ وتىر.
ادىستەمەلىك قۇرال بەس نەگىزگى بولىكتەن تۇرادى. ءبىرىنشى بولىمدە مەكتەپكە دەيىنگى جانە باستاۋىش سىنىپتارعا ارنالعان ماتەماتيكالىق جانە ادەبي وقۋ ماتەريالدارى بىرىكتىرىلگەن. ەكىنشىسىندە ورتا جانە جوعارى سىنىپتاردىڭ وقۋ پروتسەسىنە ەكو-ءبىلىم بەرۋدى ەنگىزۋ بويىنشا جۇمىستار كورسەتىلگەن. ءۇشىنشى بولىمدە نۇر-سۇلتان قالاسى وقۋشىلارىنىڭ ەكولوگيا تاقىرىبىنا ارنالعان ۇزدىك ەسسەلەرى جيناقتالعان. سوڭعى ەكەۋى قورشاعان ورتاعا قاتىستى پراكتيكالىق ماقساتتارعا قول جەتكىزۋگە باعىتتالىپ وتىر. جيناقتى قۇراستىرۋ ءۇشىن نۇر-سۇلتان, تەمىرتاۋ, قاراعاندى قالالارىنىڭ جانە شىعىس قازاقستان وبلىسىنىڭ مۇعالىمدەرى تارتىلدى. وقۋ ادىستەمەلىك قۇرال recycle.kz سايتىنداعى «ەكولوگيالىق ءبىلىم» بولىمىندە كوپشىلىك قولدانۋى ءۇشىن جۇكتەۋگە قويىلادى.
سونىمەن قاتار وكم وپەراتورى «ەكواسار – يگى ىستەر مارافونى 2021-2022» اكتسياسىنا باستاپ بەردى. جاڭا وقۋ جىلىندا نۇر-سۇلتان, وسكەمەن, قاراعاندى, تەمىرتاۋ جانە سەمەي قالالارىندا ەكولوگيالىق «اسار» اكتسياسى ىسكە قوسىلادى.
ەسكە سالا كەتەيىك, العاشقى «ەكواسار» 2020 جىلدىڭ قىركۇيەگىندە ىسكە قوسىلدى جانە وسكەلەڭ ۇرپاقتىڭ ەكولوگيالىق مادەنيەتىن قالىپتاستىرۋعا ۇلكەن ۇلەس قوستى. قالدىقتاردى بولەك جيناۋ مەن وڭدەۋدىڭ ماڭىزدىلىعى تۋرالى 450 مىڭنان استام ادام تانىپ, ءبىلدى. بىلتىرعى وقۋ جىلىندا وقۋشىلار شامامەن 3 ملن تەڭگەگە 99 توننا قايتالاما شيكىزات جينادى. بارلىق جينالعان قاراجات قايىرىمدىلىق پەن مەكتەپ اۋماقتارىن كوگالداندىرۋعا باعىتتالدى, دەلىنگەن ەكولوگيا, گەولوگيا جانە تابيعي رەسۋرستار مينيسترلىگىنىڭ ءباسپاسوز قىزمەتى تاراتقان حابارلامادا.
«ەگەمەن-اقپارات»
