«26 تامىز كۇنى كەشكى ساعات 20:50 مينۋتتا «101» پۋلتىنە كۋاگەرلەردەن مەدەۋ اۋدانىنداعى تولە بي كوشەسى مەن شىعىس اينالما جولىندا دالا ورتەنىپ جاتقانى تۋرالى حابار تۇسە باستادى. وقيعا ورنىنا تجد كۇشتەرى مەن قۇرالدارى جۇمىلدىرىلدى», دەپ حابارلادى دەپارتامەنت.
ءورتتىڭ كەسىرىنەن 1000 شارشى مەتردەن استام قۋراعان ءشوپ پەن اعاش جانىپ كەتكەن. قۇرعاق وسىمدىكتەردىڭ بيىكتىگى كەي جەرلەردە 1,5 مەتردەن اسقان.
ء«ورتتى ءسوندىرۋ بەتكەيلەردەگى بيىكتىكتەردىڭ كۇرت وزگەرۋىمەن كۇردەلەنە ءتۇستى, قابىلدانعان شارالاردىڭ ارقاسىندا وت 40 مينۋت ىشىندە وقشاۋلانىپ, 21:41-دە جويىلدى. ءورتتى سوندىرۋگە تابيعي ورتتەردى ءسوندىرۋ بويىنشا تجد جاساعى, سونداي-اق قۇرامىندا 30 ادام, 6 بىرلىك تەحنيكا جۇمىلدىرىلدى. ءورت قاۋپىنىڭ جوعارى بولۋىنا بايلانىستى قالا تۇرعىندارى مەن قوناقتارىن اشىق وتتى پايدالانۋدان, وت جاعۋدان, تەمەكى شەگۋدەن جانە قۇرعاق ءشوپ پەن ورىلعان ءشوپتى ورتەۋدەن باس تارتۋدى سۇرايمىز! كىنالى ادامدار اكىمشىلىك, ال اۋىر زارداپتار تۋىنداعان جاعدايدا قىلمىستىق جاۋاپقا تارتىلادى», دەلىنگەن حابارلامادا.
