2013 جىلعى 31 جەلتوقسان استانا, ۇكىمەت ءۇيى
مەتروپوليتەنمەن جولاۋشىلاردى تاسىمالداۋ قاعيدالارىن بەكىتۋ تۋرالى
2013 جىلعى 31 جەلتوقسان استانا, ۇكىمەت ءۇيى
مەتروپوليتەنمەن جولاۋشىلاردى تاسىمالداۋ قاعيدالارىن بەكىتۋ تۋرالى
«قازاقستان رەسپۋبليكاسىنداعى كولىك تۋرالى» 1994 جىلعى 21 قىركۇيەكتەگى قازاقستان رەسپۋبليكاسى زاڭىنىڭ 11-بابىنا سايكەس قازاقستان رەسپۋبليكاسىنىڭ ۇكىمەتى قاۋلى ەتەدى:
1. قوسا بەرىلىپ وتىرعان مەتروپوليتەنمەن جولاۋشىلاردى تاسىمالداۋ قاعيدالارى بەكىتىلسىن.
2. وسى قاۋلى العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسىنىڭ پرەمەر-ءمينيسترى س. احمەتوۆ.
قازاقستان رەسپۋبليكاسى ۇكىمەتىنىڭ
2013 جىلعى 31 جەلتوقسانداعى №1517 قاۋلىسىمەن بەكىتىلگەن
مەتروپوليتەنمەن جولاۋشىلاردى تاسىمالداۋ قاعيدالارى
1. جالپى ەرەجەلەر
1. وسى مەتروپوليتەنمەن جولاۋشىلاردى تاسىمالداۋ قاعيدالارى (بۇدان ءارى – قاعيدالار) «قازاقستان رەسپۋبليكاسىنداعى كولىك تۋرالى» 1994 جىلعى 21 قىركۇيەكتەگى قازاقستان رەسپۋبليكاسى زاڭىنىڭ 11-بابىنا سايكەس ازىرلەندى جانە مەتروپوليتەنمەن جولاۋشىلاردى تاسىمالداۋ ءتارتىبىن ايقىندايدى.
2. وسى قاعيدالاردا مىناداي نەگiزگi ۇعىمدار قولدانىلادى:
1) ايالداۋ پۋنكتى – مەتروپوليتەننىڭ جىلجىمالى قۇرامىنىڭ ايالداۋى جۇزەگە اسىرىلاتىن, جولاۋشىلاردى مەتروپوليتەندە وتىرعىزۋعا جانە تۇسىرۋگە ارنالعان پۋنكت;
2) بورت جۋرنالى – نومىرلەنگەن جانە تىگىلگەن, مورمەن بەكىتىلگەن جانە جەرگىلىكتى اتقارۋشى ورگان تىركەگەن, مەتروپوليتەننىڭ جىلجىمالى قۇرامىندا بولاتىن جۋرنال, وعان مەتروپوليتەننىڭ جىلجىمالى قۇرامىنىڭ رەيس الدىنداعى تەحنيكالىق تەكسەرۋدەن جانە جوسپارلاۋ-ەسكەرتۋ جوندەۋىنەن وتكەنى تۋرالى بەلگىلەر قويىلادى, قولدانىلۋ مەرزىمى ونى تىركەگەن كۇننەن باستاپ كۇنتىزبەلىك ءبىر جىلدان اسپايدى;
3) جول ءجۇرۋ قۇجاتى (بيلەت) – جولاۋشىنىڭ مەتروپوليتەننىڭ كورسەتىلەتىن قىزمەتتەرى ارقىلى ءجۇرۋدى جۇزەگە اسىرۋ قۇقىعىن راستايتىن ءبىر رەتتىك قولدانىلاتىن بايلانىسسىز سمارت-جەتون نەمەسە كوپ رەتتىك بايلانىسسىز سمارت-كارتا;
4) قول جۇگى – مەتروپوليتەننىڭ جىلجىمالى قۇرامىنىڭ سالونىندا تاسىمالداناتىن جولاۋشىلاردىڭ جەكە زاتتارى;
5) قوزعالىس كەستەسى – مارشرۋتتىڭ ءاربىر ايالداما پۋنكتى (ستانتسياسى) بويىنشا مەتروپوليتەننىڭ جىلجىمالى قۇرامىنىڭ قوزعالىس ورنى مەن ۋاقىتى تۋرالى مالىمەتتەردى قامتيتىن قۇجات (كەستە, گرافيكالىق بەينە);
6) مەتروپوليتەننىڭ جولاۋشىلارعا قىزمەت كورسەتۋ بويىنشا كەزەكشىسى – جولاۋشىلاردىڭ قاۋىپسىز وتىرۋىن, ءتۇسۋىن, ولاردىڭ ستانتسيا بويىنشا بىركەلكى تاراۋىن جانە قوزعالىسىن قامتاماسىز ەتەتىن مەتروپوليتەننىڭ كولىك كاسىپورنىنىڭ قىزمەتكەرى;
7) مەتروپوليتەن جولاۋشىسى – جول ءجۇرۋ قۇجاتى (بيلەتى) بار جانە مەتروپوليتەندە جول جۇرەتىن جەكە تۇلعا;
8) مەتروپوليتەن – كولىكتىڭ وزگە تۇرلەرىنىڭ جەلىلەرىنەن جانە جۇرگىنشىلەردىڭ ولارعا ءوتۋ جولىنان وقشاۋلانعان (بولىنگەن, ءبىر دەڭگەيدەگى قيىلىستارى جوق) جولدار بويىنشا جولاۋشىلار مەن باگاجدى الەۋمەتتىك ماڭىزى بار تۇراقتى تاسىمالداۋدى جۇزەگە اسىراتىن قالالىق رەلستىك كولىك ءتۇرى;
9) مەتروپوليتەننىڭ كولىك كاسىپورنى – جولاۋشىلاردى مەتروپوليتەنمەن تاسىمالداۋ, مەتروپوليتەننىڭ جىلجىمالى قۇرامىنا تەحنيكالىق قىزمەت كورسەتۋ جانە جوندەۋ جونىندەگى قىزمەتپەن اينالىساتىن, قازاقستان رەسپۋبليكاسىنىڭ زاڭناماسىنا سايكەس ارەكەت ەتەتىن زاڭدى تۇلعا;
10) مەتروپوليتەن ستانتسياسى – تۇرعىندارعا تاسىمالداۋ بويىنشا قىزمەتتەر كورسەتۋگە ارنالاعان قاجەتتى قۇرىلىستار, قۇرىلعىلار مەن باسقا م ۇلىك تۇرلەرىنىڭ كەشەنى;
11) مەتروپوليتەننىڭ جىلجىمالى قۇرامى – ءبىر نەمەسە بىرنەشە موتور-ۆاگوندىق سەكتسيالاردان تۇراتىن جانە جولاۋشىلاردى تاسىمالداۋعا ارنالعان جىلجىمالى قۇرام;
12) ەسكالاتور – ادامداردىڭ ءبىر دەڭگەيدەن ەكىنشى دەڭگەيگە اۋىسۋى ءۇشىن قوزعالاتىن ساتىلارى بار باسپالداق تۇرىندەگى كوتەرۋ-كولىك قۇرىلعىسى.
2. مەتروپوليتەنمەن جولاۋشىلاردى تاسىمالداۋ ءتارتىبى
3. جولاۋشى جول ءجۇرۋ قۇجاتى (بيلەتى) بولعان كەزدە عانا مەتروپوليتەننىڭ جىلجىمالى قۇرامىمەن تاسىمالدانادى.
4. جولاۋشىلار ءۇشىن مەتروپوليتەننىڭ جىلجىمالى قۇرامىنا جول ءجۇرۋ قۇجاتتارىن (بيلەتتەرىن) ساتۋ مەتروپوليتەن ستانتسيالارىنىڭ كاسسالارىندا جۇرگىزىلەدى.
5. جول ءجۇرۋ قۇجاتتارىن (بيلەتتەرىن) ساتۋ قازاقستان رەسپۋبليكاسىنىڭ زاڭناماسىنا سايكەس بەلگىلەنگەن تاريفتەر بويىنشا جۇزەگە اسىرىلادى.
6. تولەنگەن جولاقى جولاۋشى جونەلتۋ ستانتسياسىنداعى تۋرنيكەتتەن وتكەن ساتتەن باستاپ ستانتسيانىڭ شىعۋ تۋرنيكەتىنەن شىققانعا دەيىن جارامدى.
7. جولاۋشىلارعا:
1) وزىمەن بىرگە 7 جاسقا تولماعان ءبىر بالانى الىپ جۇرۋگە.
بيلەت كاسساسىنا بالانىڭ جاسىن راستايتىن قۇجات ۇسىنىلادى;
2) جەڭىلدىكتى جول ءجۇرۋ قۇجاتتارىمەن (بيلەتتەرمەن) وزىمەن بىرگە 7-دەن 15 جاسقا دەيىنگى بالالاردى الىپ جۇرۋگە;
7-دەن 15 جاسقا دەيىنگى بالالاردىڭ جول ءجۇرۋ تولەمى جول ءجۇرۋ قۇجاتىنىڭ (بيلەتتىڭ) تولىق قۇنىنان 50 پايىز مولشەرىندە الىنادى.
3) مەتروپوليتەننىڭ جىلجىمالى قۇرامىنىڭ سالونىندا ولشەمى ءۇش ولشەم سوماسى بويىنشا (60ح40ح20) 120 سم جانە سالماعى 20 كگ اسپايتىن ءبىر ورىن قول جۇگىن اقى تولەمسىز الىپ جۇرۋگە;
4) مەتروپوليتەننىڭ جىلجىمالى قۇرامىنىڭ سالونىندا مولشەرى مەن سالماعى وسى 8-تارماقتىڭ 3) تارماقشاسىندا كورسەتىلگەن پارامەترلەردەن اساتىن ءبىر ورىن قول جۇگىن جول ءجۇرۋ قۇجاتىنىڭ (بيلەتتىڭ) تولىق قۇنىن تولەپ, الىپ جۇرۋگە جول بەرىلەدى.
15 جانە ودان ۇلكەن جاستاعى جولاۋشىلار جول ءجۇرۋدى جول ءجۇرۋ قۇجاتىنىڭ (بيلەتتىڭ) تولىق قۇنى مولشەرىندە تولەيدى. جولاۋشىنىڭ جاسى ءجۇرۋ كۇنىنە ايقىندالادى.
ۇلى وتان سوعىسى مۇگەدەكتەرىنىڭ, قاتىسۋشىلارىنىڭ جانە ولارعا تەڭەستiرiلگەن ادامداردىڭ جول ءجۇرۋ تولەمىنىڭ ءتارتىبى قازاقستان رەسپۋبليكاسىنىڭ زاڭناماسىنا سايكەس جۇزەگە اسىرىلادى.
قول جۇگىن تاسىمالداۋعا بەلگىلەنگەن نورما ەسەبىنەن بيىكتىگى 180 سم اسپايتىن ءبىر ۆەلوسيپەدتەن ارتىق ەمەس نەمەسە قۇراستىرىلماعان كۇيدەگى بالالار, مۇگەدەكتەر اربالارى, وسىمدىكتەر, كوشەتتەر, بايلانعان جانە تامىرى ورالعان باسقا دا وتىرعىزىلاتىن ماتەريالدار سياقتى قول جۇگىن تاسىمالداۋعا رۇقسات ەتىلەدى.
8. تۋرنيكەت ارقىلى وتكەن كەزدە ستانتسياداعى باقىلاۋشى قول جۇگى پارامەترلەرىنىڭ وسى قاعيدالاردا بەلگىلەنگەن نورماعا سايكەستىگىن تەكسەرەدى.
9. جولاۋشىلارعا, سونداي-اق مەتروپوليتەننىڭ جىلجىمالى قۇرامىنىڭ سالونىنداعى ورىندىقتار اراسىندا وتەتىن جولدارعا ارنالعان ورىنداردا قول جۇگىن ورنالاستىرۋعا جول بەرىلمەيدى.
جولاۋشى الىپ وتەتىن قول جۇگىن ولشەۋ ءۇشىن مەتروپوليتەن ستانتسيالارىندا تارازى ورناتىلادى.
10. ۇساق ءۇي جانۋارلارى, يتتەر جانە قۇستار جاشىكتەردە, سەبەتتەردە, تورلار مەن كونتەينەرلەردە تاسىمالدانادى.
ۇساق ءۇي جانۋارلارىن, يتتەردى جانە قۇستاردى تاسىمالداۋ كەزىندە ولاردىڭ يەلەرى نەمەسە الىپ جۇرۋشىلەر مەتروپوليتەننىڭ جىلجىمالى قۇرامىنىڭ سالونىندا سانيتاريالىق-گيگيەنالىق رەجيمنىڭ ساقتالۋىن قامتاماسىز ەتەدى.
مەتروپوليتەننىڭ جىلجىمالى قۇرامىنىڭ سالونىندا قول جۇگى رەتىندە جابايى جانۋارلاردى تاسىمالداۋعا رۇقسات ەتىلمەيدى.
11. حالىققا قىزمەت كورسەتۋ ەرەكشەلىگىنە جانە مەتروپوليتەننىڭ كولىكتىك قۇرىلىمىن كۇتىپ-ۇستاۋ شارتتارىنا سايكەس جولاۋشىلاردى قوزعالىس كەستەسىنە سايكەس تاسىمالداۋ مىناداي كەزەكتىلىكپەن جۇزەگە اسىرىلادى:
1) «قاربالاس» ۋاقىت كەزەڭدەرىن ەسكەرە وتىرىپ, تاۋلىكتىڭ بارلىق بەلگىلەنگەن كەزەڭىندە جانە اپتانىڭ بەس كۇنىندە (دۇيسەنبىدەن جۇماعا دەيىن), قولدانىلاتىن تۇراقتى;
2) تاۋلىكتىڭ بارلىق بەلگىلەنگەن كەزەڭى ىشىندە دەمالىس جانە مەرەكە كۇندەرىندە قولدانىلاتىن قوسىمشا;
3) قىسقا ۋاقىت (ادەتتەگى رەجيمدە قىزمەت كورسەتۋگە كەدەرگى جاسايتىن مەتروپوليتەن جەلىسىندە كۇتپەگەن جاعدايلار تۋىنداعان جاعدايدا) قولدانىلاتىن ۋاقىتشا.
12. جولاۋشىلاردى مەتروپوليتەنمەن تاسىمالداۋ كەزىندە:
1) مەتروپوليتەننىڭ جىلجىمالى قۇرامىنىڭ توقتاۋى جانە ءجۇرۋى كەزىندە ەسىكتەردىڭ اۆتوماتتى اشىلۋىنا/جابىلۋىنا كەدەرگى كەلتىرۋگە;
2) مەتروپوليتەننىڭ جىلجىمالى قۇرامىنىڭ قوزعالىسى كەزىندە ءماشينيستى الاڭداتۋعا;
3) مەتروپوليتەننىڭ جىلجىمالى قۇرامى سالونىنىڭ ىشكى جابدىقتارى مەن جاراقتالۋىن بۇلدىرۋگە;
4) ستانتسيالاردا مەتروپوليتەننىڭ جىلجىمالى قۇرامىندا وتەتىن جەرلەر مەن ۆاگونداردا تەمەكى تارتپاۋعا;
5) سپيرتتىك ىشىمدىكتەر ىشپەۋگە, مەتروپوليتەننىڭ ستانتسيالارىندا جانە جىلجىمالى قۇرامدارىندا ماساڭ كۇيدە, سونداي-اق ەسىرتكىگە ماساڭ كۇيدە بولماۋعا;
6) باقشا مۇكاممالىن, ونىڭ ىشىندە جولاۋشىلاردى جاراقاتتاۋ مۇمكىندىگىن جوققا شىعارمايتىن شانشىپ العىش جانە كەسكىش زاتتاردى ءتيىستى قاپتاماسىز الىپ وتۋگە;
7) كەز كەلگەن پيروتەحنيكالىق بۇيىمداردى الىپ وتۋگە;
8) اشىق وتتى پايدالانۋعا;
9) شاڭعىلار مەن كونكيلەردى قاپتاماسىز جانە ءتيىستى بۋىپ-ءتۇيۋسىز الىپ وتۋگە;
10) جانۋارلار مەن قۇستاردى تۇمسىقتورسىز, شىلبىرسىز, تورلارسىز نەمەسە ارنايى كونتەينەرلەرسىز الىپ وتۋگە;
11) مەتروپوليتەننىڭ عيماراتتارىنا, قۇرىلىستارىنا, ۆاگوندار جابدىقتارىنا, ەسكالاتورلارىنا جانە ستانتسيالارىنا م ۇلىكتىك زالال كەلتىرۋگە;
12) مەتروپوليتەن جولىندا مەتروپوليتەننىڭ جىلجىمالى قۇرامىنىڭ ماشينيست كابيناسىنا, قىزمەتتىك جانە وندىرىستىك ءۇي-جايلارعا, جەلدەتپە شاحتالارىنىڭ كيوسكىلەرىنە, توننەلدەرىنە جانە قورشالعان اۋماققا ءوز بەتىمەن كىرۋگە;
13) جۇمىس ىستەمەيتىن ەسكالاتورعا مىنۋگە, اسىلۋعا جانە زاتتاردى ەسكالاتورلاردىڭ تۇتقالارىنا قويۋعا, كەز كەلگەن زاتتى لاقتىرۋعا, ەسكالاتوردا جۇگىرۋگە, ەسكالاتور باسپالداقتارىندا وتىرۋعا جانە ەسكالاتور باليۋستراداسىندا «توقتا» دەگەن جازباسى بار اجىراتقىشتى قاجەتسىز قولدانۋعا;
14) مەتروپوليتەننىڭ جىلجىمالى قۇرامى ۆاگوندارىنىڭ ەسىكتەرىنە سۇيەنۋگە;
15) مەتروپوليتەننىڭ جىلجىمالى قۇرامى تولىق توقتاعانعا دەيىن پلاتفورما شەتىندەگى شەكتەۋلى سىزىقتان وتۋگە;
16) مەتروپوليتەننىڭ جىلجىمالى قۇرامىنىڭ ستانتسيالارى مەن ۆاگوندارىندا روليكتى تاقتالاردا, كونكيلەردە جانە باسقا ۇقساس سپورتتىق زاتتاردا جۇرۋگە;
17) ۆاگوندا «جولاۋشى-ماشينيست» بايلانىسىمەن قاجەتسىز قولدانۋعا;
18) پلاتفورمالاردا جۇگىرۋگە, اقپاراتتىق كورسەتكىشتەردە بەلگىلەنگەن قوزعالىس باعىتىن ساقتاماۋعا جانە رەلستىك جولدارعا تۇسۋگە;
19) جولعا مەتروپوليتەننىڭ جىلجىمالى قۇرامى قوزعالىسىنىڭ بۇزىلۋىن تۋىنداتاتىن زاتتاردى لاقتىرۋعا جول بەرىلمەيدى.
13. مەتروپوليتەن ستانتسياسىندا جولاۋشىلار مەتروپوليتەننىڭ جىلجىمالى قۇرامىنىڭ كەلۋ جانە كەتۋ ۋاقىتى, جولاۋشىلاردىڭ جول ءجۇرۋ قۇنى, جول ءجۇرۋ جانە كورسەتىلەتىن قىزمەتتەر شارتتارى, شۇعىل مەديتسينالىق كومەك, شاعىمدار مەن ۇسىنىستار كىتابىنىڭ ورنالاسقان جەرى, بيلەت كاسسالارىنىڭ جۇمىس رەجيمى تۋرالى, مەتروپوليتەن ستانتسيالارى ءۇي-جايلارىنىڭ ورنالاسۋى, سونداي-اق مەتروپوليتەندە حالىققا كورسەتىلەتىن قىزمەتتەردىڭ تىزبەسى تۋرالى قاجەتتى جانە دۇرىس اقپاراتپەن قامتاماسىز ەتىلەدى.
مەتروپوليتەن قىزمەتتەرىن پايدالانۋشىلارعا ارنالعان بارلىق اقپارات تاسىمالداۋ شارتتارىنىڭ وزگەرۋىنە بايلانىستى ۋاقتىلى جاڭارتىلىپ وتىرادى. مەتروپوليتەننىڭ كولىك كاسىپورنى جولاۋشىلارعا داۋىس زورايتقىش بايلانىستى, اقپاراتتى ۆيزۋالدى تاسىعىشتاردى قولدانا وتىرىپ, جازباشا جانە/نەمەسە اۋىزشا اقپارات بەرەدى.
