23 قاڭتار، 2014

جاۋتىكوۆ وليمپياداسىنىڭ جەڭىمپازدارى نازارباەۆ ۋنيۆەرسيتەتىنىڭ گرانتتارىنا يە بولدى

155 رەت كورسەتىلدى

01-وبلاداتەلي گران-پري 10 مجوبيىلعى 17 ەلدىڭ ەڭ ەسەپكە جۇيرىك وقۋشىلارىنىڭ باسىن قوسقان حالىقارالىق جاۋتىكوۆ وليمپياداسىنىڭ ءجونى بولەك. وسىمەن ونىنشى رەت وتكىزىلگەن ءبىلىم جانە عىلىم مينيسترلىگىنىڭ جوباسىنا 56 كوماندا، 390 دارىندى بالا قاتىستى. قازاقستان، رەسەي، ۋكراينا، بەلورۋسسيا، ازەربايجان، گرۋزيا، ارمەنيا، قىرعىزستان، تاجىكستان، تۇركى­مەنستان، بولگاريا، رۋمىنيا، سەربيا، ءۇندىستان، ين­دو­نەزيا، موڭعوليا بالالارى ماتەماتيكا، فيزيكا جانە ينفورماتيكا پاندەرى بويىنشا ءبىلىم جارىستىردى.

01-وبلاداتەلي گران-پري 10 مجو

بيىلعى 17 ەلدىڭ ەڭ ەسەپكە جۇيرىك وقۋشىلارىنىڭ باسىن قوسقان حالىقارالىق جاۋتىكوۆ وليمپياداسىنىڭ ءجونى بولەك. وسىمەن ونىنشى رەت وتكىزىلگەن ءبىلىم جانە عىلىم مينيسترلىگىنىڭ جوباسىنا 56 كوماندا، 390 دارىندى بالا قاتىستى. قازاقستان، رەسەي، ۋكراينا، بەلورۋسسيا، ازەربايجان، گرۋزيا، ارمەنيا، قىرعىزستان، تاجىكستان، تۇركى­مەنستان، بولگاريا، رۋمىنيا، سەربيا، ءۇندىستان، ين­دو­نەزيا، موڭعوليا بالالارى ماتەماتيكا، فيزيكا جانە ينفورماتيكا پاندەرى بويىنشا ءبىلىم جارىستىردى.

ءال-فارابي اتىنداعى قا­زاق ۇلتتىق ۋنيۆەرسيتەتىنىڭ ستۋ­دەنتتەر سارايىندا سالتا­ناتتى تۇردە مارەگە جەتكەن ح حالىقارالىق جاۋتىكوۆ وليم­پياداسىنىڭ باس ءجۇل­دە­سىن بيىل دا ماسكەۋ مەملە­كەت­تىك ۋنيۆەرسيتەتىنىڭ مامان­داندىرىلعان وقۋ-عىلىمي ورتا­لىعىنىڭ (سۋنتس مگۋ) وقۋ­شى­لارى جەڭىپ الدى. ال ءبىرىن­شى ورىن­دى ادەتتەگىدەي الما­تىداعى و.جاۋتىكوۆ اتىنداعى دارىندى بالالارعا ارنالعان رەسپۋبليكالىق مامان­داندى­رىلعان فيزيكا-ماتەماتيكا ورتا مەكتەپ-ينتەرناتى باسقا­لارعا بەرمەي كەلەدى.

سونىمەن، بيىل ساراپقا سالىن­عان 183 مەدالدىڭ 50-ءى قا­زاقستاندا قالدى. ال التىن مەدالمەن وليم­پياداشىلاردىڭ 35-ءى ماراپاتتالدى. ونىڭ ىشىندە 13 بىردەي التىندى و.جاۋتىكوۆ اتىنداعى دارىندى بالالارعا ارنالعان رەسپۋبليكالىق ما­مان­داندىرىلعان في­زيكا-ماتەماتيكا مەكتەپ-ينتەرناتىنىڭ وقۋ­­شىلارى جەڭىپ الدى.

جۇلدەلى ورىنداردان تابىل­عان تالانتتى وقۋشىلارعا نا­زار­باەۆ ۋنيۆەرسيتەتىنىڭ، ءال-فا­را­بي اتىنداعى قازاق ۇلت­تىق ۋني­ۆەرسيتەتىنىڭ، قبتۋ، مۋيت گرانتتارى بۇيىردى. ال ينفورماتيكا ءپانى بويىنشا ابسوليۋتتىك ناتيجە كورسەتكەن ءارى وليمپيادانىڭ ەڭ جاس قاتىسۋشىسى ۆلاديسلاۆ ماكەەۆ (ماسكەۋ قالاسىنىڭ قۇراما كومانداسى، رەسەي) يليا سەگالوۆيچ اتىنداعى ارناۋلى جۇلدەگە يە بولىپ، باعالى سىيلىقتى يەمدەندى. وسى ارادا رمفمومي تۇلەگى يليا سەگالوۆيچتىڭ ياندەكستىڭ نەگىزىن قالاعان ادام ەكەنىن ايتا كەتۋگە بولادى.

كەزەكتى جاۋتىكوۆ وليمپياداسى مامانداندىرىلعان ەڭ ۇزدىك 7 مەكتەپتىڭ رەيتينگىسىن انىقتاپ بەردى. كوماندالىق ەسەپ بويىنشا باس جۇلدەگە بيىل دا ماسكەۋ مەملەكەتتىك ۋنيۆەرسيتەتىنىڭ مامانداندىرىلعان وقۋ-عىلىمي ورتالىعىنىڭ (سۋنتس مگۋ) وقۋشىلارى لايىق دەپ تانىلدى. ءبىرىنشى ورىندى رمفمومي جەڭىپ الدى. ەكىنشى ورىندى مينسكىدەگى بەلارۋس مەملەكەتتىك ۋني­ۆەرسيتەتى ليتسەيىنىڭ وقۋ­شىلارى مەن بولگارياداعى سوفيا ماتەماتيكالىق مەكتەبىنىڭ ءشا­كىرت­تەرى ءوزارا ءبولىستى. ءۇشىن­شى ورىندار بەلگاردتاعى ماتە­ما­تيكا ورتا مەكتەبىنىڭ (سەربيا)، تبي­ليسي قالاسىنداعى №199 «كو­ماروۆي» مەكتەبىنىڭ (گرۋزيا)، تا­راز قالاسىنداعى قازاق-تۇرىك ليتسەيىنىڭ كوماندالارىنا بەرىلدى.

جۇلدەلى ورىنداردان كورىنگەن كوماندالاردىڭ ءاربىر مۇشەسى جوعارى وقۋ ورىندارىنىڭ گرانتتارى مەن باعالى سىيلىقتارعا يە بولدى. سونىمەن قاتار، 8 كوماندا ماقتاۋ قاعازدارىمەن اتاپ ءوتىلدى.

بيىل ونىنشى رەت ۇيىم­داستىرىلعان جاۋتىكوۆ وليمپيا­داسىنا «رمفمومي تۇلەكتەر قورى»، «ExxonMobilKazakhstan Inc»،«ينتەرگاز تسەنترالنايا ازيا» اق پەن «ZHERSU» ينۆەس­تيتسيالىق-وندىرىستىك كورپوراتسياسى دەمەۋشىلىك جاسادى.

ايناش ەسالي،

«ەگەمەن قازاقستان».

الماتى.

––––––––––––––

سۋرەتتە: نازارباەۆ ۋنيۆەرسيتەتىنىڭ بولاشاق ستۋدەنتتەرى – باس جۇلدە يەگەرلەرى.

سوڭعى جاڭالىقتار

پولياك اندەرى ورىندالدى

ونەر • بۇگىن، 09:00

ءتورت تىلدە جازىلعان كىتاپ

ايماقتار • بۇگىن، 08:55

كەلەسى قارسىلاس – سەربيا

تەننيس • بۇگىن، 08:51

ءوندىرىس ورىستەگەن ءوڭىر

ايماقتار • بۇگىن، 08:49

سۇرانىس پەن ۇسىنىستىڭ اراسى

ءبىلىم • بۇگىن، 08:43

ىرىستى ىنتىماقتىڭ ۇيىتقىسى

ەلباسى • بۇگىن، 01:03

ينۆەستيتسيا ءۇشىن تارتىمدى ەل

تاۋەلسىزدىكتىڭ 30 جىلدىعى • بۇگىن، 00:38

كونە مۇرالار – حالىق قازىناسى

رۋحانيات • بۇگىن، 00:12

اتام ايتقان جارىق جۇلدىز

تاۋەلسىزدىكتىڭ 30 جىلدىعى • بۇگىن، 00:04

يراننىڭ تاڭداۋى

ساياسات • كەشە

ۇقساس جاڭالىقتار