كەزدەسۋ بارىسىندا ءوڭىر باسشىسى رۋحيانىڭ تالانتى مەن ەڭبەكقورلىعىنىڭ ارقاسىندا حالىقارالىق ارەنادا قازاقستاننىڭ داڭقىن شىعارعانىن اتاپ ءوتتى.
ء«سىز وسى ايتۋلى جارىستىڭ جەڭىمپازى اتانعانىڭىزدى ەستىگەندە قاتتى قۋاندىم. بۇل - ۇلكەن جەتىستىك! قازاقستاندى الەمدىك دەڭگەيدە تاعى ءبىر رەت تانىتتىڭىز. ارينە, تالانتىڭىز تالاسسىز, بىراق جەڭىسكە جەتۋىڭىزگە قاجىرلى ەڭبەگىڭىز بەن العا ۇمتىلىسىڭىز سەبەپ بولدى. روزا باعلانوۆا, بيبىگۇل تولەگەنوۆا, الىبەك دنىشەۆتەردەي شىعارماشىلىق بيىكتەردەن كورىنۋىڭىزدى تىلەيمىن. ءسىزدى ماقتان تۇتامىز جانە ەڭبەكقورلىعىڭىز بەن تالاتىنىڭىز بيىككە شىعاراتىنىنا سەنەمىز», دەدى ا.باتالوۆ.
رۋحيا بايدۇكەنوۆا ريزاشىلىعىن بىلدىرە وتىرىپ, جەڭىسكە جەتكىزگەن قۇپياسىن ايتتى.
ء«سىز مەنى العاشقىلاردىڭ ءبىرى بولىپ قولدادىڭىز. سەنىمىڭىزدى اقتاي العانىما ريزامىن. تاۋەلسىز قازاقستان تاريحىندا وسى حالىقارالىق ونەر فەستيۆالىندە ەلىمىز ءۇش گران-پري يەلەندى. مەن ەل ءۇشىن ەڭ ماڭىزدى مەرەيتويلىق داتادا ونەر كورسەتىپ, جەڭىسكە جەتكەنىمە وتە قۋانىشتىمىن. بۇل تەرەڭ سيمۆوليكالىق مانگە يە. ساحنادا «تالدىقورعان اۋەندەرى» ءانسامبلىنىڭ قۇرامىندا ونەر كورسەتتىم. تالدىقورعاندىقتاردىڭ سەنىمى ماعان كۇش پەن سەنىمدىلىك بەردى, جەڭىسكە جەتۋگە كومەكتەستى. سوندىقتان مەن سىزگە جەڭىمپازدىڭ ءمۇسىنىن سىيلاعىم كەلەدى», دەدى ۆوكاليست ر.بايدۇكەنوۆا.
اماندىق باتالوۆ ءمۇسىندى تىنىشباەۆ اتىنداعى وبلىستىق تاريحي -ولكەتانۋ مۇراجايىنا تابىستادى.
رۋحيانىڭ تالىمگەرى, بەلگىلى تەلەجۋرناليست قىمبات دوسجان ءوز اسەرىمەن ءبولىستى.
«رۋحيا بايقاۋعا جولداما العان كەزدە قولىندا تەك ۇشاق بيلەتى بار ەدى. بىرىنشىدەن, ءسىزدىڭ, اماندىق عابباس ۇلى, ۋاقىتىندا كورسەتكەن كومەگىڭىز ونى جىگەرلەندىردى. رۋحياعا ءوزىن دالەلدەۋگە جانە جەڭىسكە جەتۋگە كومەكتەستى. الماتى وبلىسىندا مادەنيەت سالاسىنا ءتيىستى كوڭىل ءبولىنىپ جاتقانىنا قۋانىشتىمىن», دەدى ق.دوسجان.
وبلىس اكىمى مادەنيەت سالاسىن قولداۋ مەن دامىتۋ مەملەكەتتىك ساياساتتىڭ ماڭىزدى باعىتتارىنىڭ ءبىرى ەكەنىن ايتتى.
سودان كەيىن رۋحيا بايدۇكەنوۆا جەرلەستەرىمەن كەزدەستى. تالدىقورعان مەتسەناتتارى مەن كاسىپكەرلەرى وعان Hyundai اۆتوكولىگىن سىيعا تارتتى. سونىمەن قاتار رۋحيانىڭ ۇستازى سەرىكجامال اجىبەكوۆا مەن تالىمگەرى قىمبات دوسجانعا 1 ميلليون تەڭگەدەن اقشالاي سەرتيفيكات تابىس ەتتى.
«جەرلەستەرىڭىز ءسىزدى ماقتان تۇتادى. تالانتىڭىز حالىقارالىق دەڭگەيدە تانىلدى. بۇل ۇستازدارىڭىزدىڭ ۇلكەن ەڭبەگى. مەنىڭ ويىمشا, بۇل ءىرى جەڭىستى باسقالار جالعاستىرادى. سىزگە جاڭا تابىس, شىعارماشىلىق جەتىستىكتەر تىلەيمىن», دەدى تالدىقورعان قالاسىنىڭ مەتسەناتتارى مەن كاسىپكەرلەرى اتىنان سويلەگەن اقشاباي كەرىمبەكوۆ.
