«حالىقارالىق باعدارلامالار ورتالىعى» اق ءباسپاسوز قىزمەتىنىڭ حابارلاۋىنشا, قاعيدالارعا سايكەس كۆوتا بويىنشا حالىقارالىق ستيپەندياعا سوڭعى ءۇش جىلدا اۋىلدا تۇراتىن ۇمىتكەرلەر ۇمىتكەر بولا الادى. سونداي-اق ولار اۋىلدىق ەلدى مەكەندە سوڭعى ەكى جىلدا جۇمىس ىستەۋگە ءتيىس.
«وعان قوسا, GPA – اۋىلدىق كۆوتا بويىنشا ۇمىتكەرلەر ديپلومىنىڭ ورتاشا بالى 4.00-دەن 2,67-دەن كەم بولماۋى قاجەت. سونداي-اق مەملەكەتتىك ءتىل بويىنشا ۆ1 دەڭگەيىنەن كەم ەمەس, شەت ءتىلى بويىنشا IELTS كەمىندە 9.0-دەن 6.0, TOEFL: PBT 677-دەن 500, IBT 120-دان 60-78 ناتيجەسىمەن ەمتيحان تاپسىرعانى تۋرالى سەرتيفيكاتتىڭ بولۋى مىندەتتى. ۇمىتكەرلەر باكالاۆر نەمەسە مامان ديپلومى بويىنشا ماماندىقتى, ماندەس ماماندىقتاردى تاڭداي الادى», دەپ ناقتىلاپ ءوتتى بعم حالىقارالىق باعدارلامالار ورتالىعىنىڭ پرەزيدەنتى اينۇر كارىبوزوۆا.
اۋىلدىق كۆوتا بويىنشا ستيپەندياتتار قازاقستان اۋماعىندا 6 ايعا دەيىنگى مەرزىمدە تەگىن تىلدىك دايىندىقتان وتە الادى. بۇعان قوسا, اۋىل تۇرعىندارىنا «بولاشاق» باعدارلاماسىنا قۇجات تاپسىرۋ كەزىندە شەتەلدىك جوعارى وقۋ ورىندارىنا ءوز بەتىنشە ءتۇسۋ مىندەتتى ەمەس. ولار ستيپەنديا تاعايىندالعاننان كەيىن باعدارلاما شەڭبەرىندە وقۋعا ۇسىنىلاتىن جوو تىزىمىنەن وقۋ ورنىن تاڭداي الادى.
2020 جىلدان باستاپ «بولاشاق» ستيپەندياسىن تاعايىنداۋ كونكۋرسىنا اۋىلدىق ەلدى مەكەننەن شىققان ۇمىتكەرلەردى قوسپاعاندا, جەتەكشى شەتەلدىك جوعارى وقۋ ورنىنان شارتسىز شاقىرۋى بار ۇمىتكەرلەر عانا قاتىسا الاتىندىعىن ەسكەرتەمىز. سونىمەن قاتار اۋىلدىق كۆوتا بويىنشا تۇسكەن ستيپەندياتتارعا كەپىل مۇلكىن ۇسىنۋ مىندەتتى ەمەس. ەكى كەپىلگەر بولسا جەتكىلىكتى. كەپىلگەر رەتىندە سوڭعى 12 جىل ىشىندە تۇراقتى تابىسى بار, قازاقستان رەسپۋبليكاسىنىڭ 50 جاسقا دەيىنگى ازاماتى بولا الادى.
«وڭىرلەرگە جۇمىس ىستەۋگە باراتىن تۇلەكتەر ءۇشىن ەڭبەكپەن وتەۋ مەرزىمى قىسقارتىلدى. ولار 5 جىلدىڭ ورنىنا 3 جىل ەڭبەكپەن وتەيتىن بولادى. بۇل شارا وڭىرلەرگە بارىپ, اۋىلدا جۇمىس ىستەيتىن بولاشاقتىقتار ۇلەسىن ارتتىرۋعا مۇمكىندىك بەرەدى دەپ ۇمىتتەنەمىز», دەدى ا.كارىبوزوۆا.
2020 جىلدان باستاپ قۇجات قابىلداۋ مەن كونكۋرستىق ىرىكتەۋ پروتسەسى تولىعىمەن اۆتوماتتاندىرىلدى. بۇل كونكۋرستىق ىرىكتەۋدىڭ اشىق ءوتۋىن قامتاماسىز ەتتى. ۇمىتكەرلەر ەGOV مەملەكەتتىك قىزمەتتەر پورتالى ارقىلى ءوتىنىم بەرەدى جانە وڭىردەن شىقپاي-اق پورتالداعى ونلاين ىرىكتەۋدىڭ بارلىق كەزەڭىنەن وتەدى.
بيىل «بولاشاق» حالىقارالىق ستيپەندياسىن تاعايىنداۋ كونكۋرسىنا قاتىسۋ ءۇشىن قۇجات قابىلداۋ 4 مامىردا باستالىپ, 28 قازانعا دەيىن جالعاسادى.
2021 جىلى «بولاشاق» باعدارلاماسى بويىنشا 1 055 ستيپەنديا ءبولىندى. ولاردىڭ ىشىنەن 555 ستيپەنديا ماگيستراتۋرا, رەزيدەنتۋرا جانە دوكتورانتۋرا باعدارلاماسى بويىنشا بولىنگەن. 500 ستيپەنديا جاڭا «عالىمدار» ساناتى بويىنشا تاعايىندالادى. بۇل سانات مەملەكەت باسشىسىنىڭ تاپسىرماسى بويىنشا الەمنىڭ جەتەكشى عىلىمي ورتالىقتارىندا عالىمداردىڭ تاعىلىمدامادان وتۋىنە مۇمكىندىك بەرۋ ماقساتىندا بەكىتىلدى.
«بولاشاق» باعدارلاماسىنىڭ شارتى بويىنشا مەملەكەت ستۋدەنتتەرگە وقۋ شىعىندارىن, ۇشىپ بارۋ مەن قايتۋ بيلەتتەرىن, سونداي-اق ۆيزا الىمدارىن, مەديتسينالىق ساقتاندىرۋدى, اي سايىنعى ستيپەنديا جانە وقۋ ماتەريالدارىن ساتىپ الۋعا جاردەماقى تولەيدى. ستيپەنديا مولشەرى قالانىڭ جانە سول ەلدىڭ ءومىر ءسۇرۋ دەڭگەيىنە قاراي وزگەرەدى. ماسەلەن, نيۋ-يورك پەن لوندوندا اي سايىنعى ستيپەنديا 2 مىڭ اقش دوللارىنان اسادى.
