وبلىس اكىمىنىڭ ايتۋىنشا, ءوڭىر مەكتەپتەرى جاڭا وقۋ جىلىنا دايىن. قازىرگى ۋاقىتتا جاڭادان سالىنعان ءبىلىم وردالارىنا قابىلداۋ ءجۇرىپ جاتىر. بارلىق 647 مەكتەپ «Ashyq» باعدارلاماسىنا قوسىلعان. مەكتەپتەردە مەديتسينا كابينەتتەرى تولىقتاي جابدىقتالعان. وقىتۋشىلار مەن تەحنيكالىق قىزمەتكەرلەر تولىقتاي COVID-19 ينفەكتسياسىنا قارسى ۆاكتسينا الدى.
«جۇقپالى اۋرۋ كەڭ تارالىپ كەتپەس ءۇشىن وقۋ پروتسەسى ءداستۇرلى, قاشىقتان جانە ارالاس فورماتتا ۇيىمداستىرىلادى. وقۋشىلاردى مەكتەپكە جەتكىزۋ وتە وزەكتى ماسەلەلەردىڭ ءبىرى. بۇگىنگى تاڭدا 134 ءبىلىم بەرۋ مەكەمەسىندە وسىنداي قيىندىق بار. بيىل قوسىمشا 26 اۆتوبۋس ساتىپ الدىق. ءبىلىم باسقارماسىنا جاعدايدى تالداپ, تاعى قانشا اۆتوبۋس قاجەتتىگى تۋرالى اقپارات بەرۋدى تاپسىردىم», دەدى دانيال احمەتوۆ.
